ಸಂಜೆ ಚಹಾದ ಜೊತೆ ತಿನ್ನಲು ಅಥವಾ ಬಾಯಿ ಆಡಿಸಲು ಏನಾದರು ಖಾರ ಖಾರವಾಗಿ ಸಿಕ್ಕರೆ ಅದರಷ್ಟು ಸಂತೋಷ ಮತ್ತೆಲ್ಲಿದೆ. ಅದೇ ಸಂತೋಷವನ್ನು ಹೆಚ್ಚುಮಾಡುವಲ್ಲಿ ಮಿಕ್ಸ್ಚರ್ ನ ಪಾತ್ರ ಮಹತ್ವದಾಗಿದೆ. ನಾವು ಈ ಮಿಕ್ಸ್ಚರ್ ಅನ್ನು ಮನೆಯಲ್ಲಿಯೇ ಸುಲಭವಾಗಿ ತಯಾರಿಸಿಕೊಳ್ಳಬಹುದು, ಅದು ಹೀಗೆ
ಬೇಕಾಗುವ ಪದಾರ್ಥಗಳು :
ಅವಲಕ್ಕಿ, ಗೇರುಬೀಜ, ಕೊಬ್ಬರಿ, ಕಡಲೆ ಹಿಟ್ಟು, ಕರಿಬೇವು, ಕಡಲೆ ಬೇಳೆ, ಕಡ್ಲೆಕಾಯಿ ಬೀಜ, ಮೆಣಸಿನ ಕಾಯಿ ಪುಡಿ, ಇಂಗು, ಕೊಬ್ಬರಿ ಎಣ್ಣೆ, ಸಕ್ಕರೆ, ಒಣಮೆಣಸು, ಉದ್ದಿನ ಬೇಳೆ , ಸಾಸಿವೆ, ಕೊಬ್ಬರಿ ಎಣ್ಣೆ ರುಚಿಗೆ ತಕ್ಕಷ್ಟು ಉಪ್ಪು.
ಮಾಡುವ ವಿಧಾನ :
ಕಡಲೆ ಹಿಟ್ಟನ್ನು ಜರಡಿ ಹಿಡಿದು ಉಪ್ಪು ಹಾಕಿ ಗಟ್ಟಿಯಾಗಿ ಕಲಸಿ ಸ್ವಲ್ಪ ಹಿಟ್ಟಿನಲ್ಲಿ ಕಾರದಕಡ್ಡಿ, ಸೇಮೆ, ಚಕ್ಕುಲಿಯ ಅಚ್ಚುಗಳಲ್ಲಿ ಹಾಕಿ ಒತ್ತಿ ಎಣ್ಣೆಯಲ್ಲಿ ಕರಿದುಕೊಳ್ಳಿ. ಮತ್ತೆ ಅದೇ ಹಿಟ್ಟಿಗೆ ನೀರು ಸೇರಿಸಿ ಸ್ವಲ್ಪ ತೆಳ್ಳಗೆ ಮಾಡಿ ಬೂಂದಿ ಮಾಡಿಕೊಳ್ಳಿ. ನಂತರ ಅವಲಕ್ಕಿ, ಕರಿಬೇವು, ಗೇರುಬೀಜ, ಕಡಲೆ ಬೇಳೆ, ಕಡ್ಲೆ ಬೀಜ, ಕೊಬ್ಬರಿ ಎಲ್ಲವನ್ನು ಬೇರೆ ಬೇರೆಯಾಗಿ ಎಣ್ಣೆಯಲ್ಲಿ ಹುರಿದುಕೊಳ್ಳಿ. ನೆನಪಿರಲಿ ಒಂದೊಂದೇ ಸಾಮನು ಎಣ್ಣೆಯಿಂದ ತೆಗೆದು ಹಾಕಿದ ಕೂಡಲೆ ಅದಕ್ಕೆ ಉಪ್ಪು, ಸಕ್ಕರೆ, ಮೆಣಸಿ ಪುಡಿ ಹಾಕಿ ಬೆರಸಿಕೊಳ್ಳುತ್ತಿರಬೇಕು.
ನಂತರ ಉದ್ದಿನಬೇಳೆ, ಸಾಸಿವೆ, ಮೆಣಸು ಹಾಕಿ ಒಗ್ಗರಣೆ ಮಾಡಿ ಇಂಗು ಸ್ವಲ್ಪ ಸೇರಿಸಿ ಎಣ್ಣೆಯಲ್ಲಿ ಹುರಿದಕೊಂಡ ವಸ್ತುಗಳಿಗೆ ಬೆರೆಸಿದರೆ ಮಿಕ್ಸ್ಚರ್ ರೆಡಿಯಾಗುತ್ತದೆ. ಇದರ ಜೊತೆಗೆ ಆಲೂಗಡ್ಡೆಯ ಚಿಪ್ಸ್‍ಗಳನ್ನು ಕೂಡ ಸೇರಿಸಿಕೊಳ್ಳಬಹುದು.
