ಬೀಜಿಂಗ್: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ತನ್ನ ಮೊದಲ ಮಾನವ ಸಹಿತ ಬಾಹ್ಯಾಕಾಶ ಯೋಜನೆ ‘ಗಗನಯಾನ’ದ ಪರೀಕ್ಷಾರ್ಥ ಪ್ರಯೋಗವನ್ನು ಶನಿವಾರ ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿ ಯಶಸ್ವಿಯಾಗಿ ನಡೆಸಿತ್ತು.
ಈ ಪ್ರಯೋಗವು ಮಾನವರಹಿತವಾಗಿದ್ದು, ಭಾರತದ ಮಹತ್ವಾಕಾಂಕ್ಷಿ ಬಾಹ್ಯಾಕಾಶ ಯೋಜನೆಯಲ್ಲಿ ಇದು ಮೊದಲ ಮೈಲುಗಲ್ಲಾಗಿದೆ. ಆದರೆ ಚೀನಾ ಈ ವಿಚಾರದಲ್ಲಿ ನಮಗಿಂತ ಹಲವು ಪಟ್ಟು ಮುಂದಿದೆ. ಮನುಷ್ಯರನ್ನು ಚಂದ್ರನತ್ತ ಕಳುಹಿಸುವ ಯೋಜನೆ ಅಂಗವಾಗಿ ಚೀನಾ ಗುರುವಾರ ತನ್ನ ಟಿಯಾಂಗಾಂಗ್ ಬಾಹ್ಯಾಕಾಶ ನಿಲ್ದಾಣಕ್ಕೆ ಹೊಸ ಸಿಬ್ಬಂದಿಯನ್ನು ಕಳುಹಿಸಿದೆ.
ಶೆಂಝೌ-17 ವಾಯುವ್ಯ ಚೀನಾದ ಜಿಯುಕ್ವಾನ್ ಉಡಾವಣಾ ಕೇಂದ್ರದಿಂದ 11:14 am ಕ್ಕೆ ಉಡಾವಣೆ ಆಗಿದ್ದು, ಬಾಹ್ಯಾಕಾಶ ನಿಲ್ದಾಣದ ನಿರ್ಮಾಣದ ನಂತರ ಕಿರಿಯ ಸರಾಸರಿ ವಯಸ್ಸಿನ ಮೂರು-ಗಗನಯಾತ್ರಿ ತಂಡವನ್ನು ಹೊತ್ತೊಯ್ಯಿತು. ಲಾಂಗ್ ಮಾರ್ಚ್-2ಎಫ್ ಕ್ಯಾರಿಯರ್ ರಾಕೆಟ್ ಮೇಲಿರುವ ಬಾಹ್ಯಾಕಾಶ ನೌಕೆಯು ವಾಯುವ್ಯ ಚೀನಾದ ಜಿಯುಕ್ವಾನ್ ಉಪಗ್ರಹ ಉಡಾವಣಾ ಕೇಂದ್ರದಿಂದ ಉಡಾವಣೆ ಆಗಿದೆ ಎಂದು ಚೀನಾದ ರಾಜ್ಯ ಸುದ್ದಿ ಸಂಸ್ಥೆ ಕ್ಸಿನ್ಹುವಾ ವರದಿ ಮಾಡಿದೆ.
🚀Liftoff!
👨🚀👍🇨🇳China on Thursday launched the #Shenzhou XVII manned spaceship, and the three astronauts aboard will be sent to stay in orbit for about six months on a space station mission. [📷/CMG] pic.twitter.com/L8K1mGk56V
— Chinese Space Station (@CNSpaceStation) October 26, 2023