ಬಗ್ದಾದ್: ಇರಾಕ್‌ನ ಪೂರ್ವ ಪ್ರಾಂತ್ಯದ ದಿಯಾಲಾದಲ್ಲಿ ನಡೆದ ವೈಮಾನಿಕ ದಾಳಿಯಲ್ಲಿ ಐವರು ಇಸ್ಲಾಮಿಕ್ ಸ್ಟೇಟ್ (ಐಎಸ್) ಉಗ್ರರು ಹತರಾಗಿದ್ದಾರೆ ಎಂದು ಇರಾಕ್ ಮಿಲಿಟರಿ ತಿಳಿಸಿದೆ.
ಗುಪ್ತಚರ ವರದಿಗಳ ಪ್ರಕರಾರ ಇರಾಕ್ ಯುದ್ಧವಿಮಾನಗಳು ಉತ್ತರ ದಿಯಾಲಾದ ಹಿಮ್ರೀನ್ ಪರ್ವತ ಶ್ರೇಣಿಯ ಬಳಿಯ ನರಿನ್ ಪರ್ವತ ಪ್ರದೇಶದಲ್ಲಿ ಐಎಸ್ ಅಡಗುತಾಣಗಳ ಮೇಲೆ ಎರಡು ವೈಮಾನಿಕ ದಾಳಿಗಳನ್ನು ನಡೆಸಿ ಅಡಗುತಾಣಗಳನ್ನು ನಾಶಪಡಿಸಿವೆ. ಐವರು ಐಎಸ್ ಉಗ್ರರನ್ನು ಕೊಂದಿವೆ ಎಂದು ಭದ್ರತಾ ಸಂಸ್ಥೆ ನೀಡಿದ ಹೇಳಿಕೆಯನ್ನು ಉಲ್ಲೇಖಿಸಿ ಮಾಧ್ಯಮಗಳು ವರದಿ ಮಾಡಿದೆ.
ಐಎಸ್ ಅವಶೇಷಗಳ ವಿರುದ್ಧ ಪುನರಾವರ್ತಿತ ಮಿಲಿಟರಿ ಕಾರ್ಯಾಚರಣೆಗಳ ಹೊರತಾಗಿಯೂ, ಉಗ್ರಗಾಮಿಗಳು ದಿಯಾಲಾ, ಸಲಾವುದ್ದೀನ್ ಮತ್ತು ಕಿರ್ಕುಕ್ ಪ್ರಾಂತ್ಯಗಳಲ್ಲಿನ ಮರುಭೂಮಿಗಳು ಮತ್ತು ಹಿಮ್ರೀನ್ ಪರ್ವತಗಳಲ್ಲಿ ಅಡಗಿಕೊಂಡಿದ್ದಾರೆ. 2017 ರಲ್ಲಿ ಐಎಸ್‌ನ ಸೋಲಿನ ನಂತರ, ಉಗ್ರಗಾಮಿ ಗುಂಪಿನ ಕೆಲವರು ನಗರ ಕೇಂದ್ರಗಳು, ಮರುಭೂಮಿಗಳು ಮತ್ತು ಪರ್ವತ ಪ್ರದೇಶಗಳಲ್ಲಿ ಅಡಗಿಕೊಂಡಿದ್ದು, ಭದ್ರತಾ ಪಡೆಗಳು ಮತ್ತು ನಾಗರಿಕರ ವಿರುದ್ಧ ಆಗಾಗ್ಗೆ ಗೆರಿಲ್ಲಾ ದಾಳಿಗಳನ್ನು ನಡೆಸುತ್ತಿವೆ.
