ಬೀಜಿಂಗ್, ಚೀನಾ : ಚೀನಾದ ಶಾಂಘೈನಲ್ಲಿ ಕೋವಿಡ್ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ಇನ್ನೂ ಎಂಟು ಮಂದಿ ಸಾವನ್ನಪ್ಪಿದ್ದಾರೆ. ಚೀನಾದಲ್ಲಿ ಸದ್ಯ ಒಟ್ಟು 19, 300 ಕೋವಿಡ್ ರೂಪಾಂತರಿಯ ಪ್ರಕರಣಗಳು ಪತ್ತೆಯಾಗಿವೆ.
ಈ ಬಗ್ಗೆ ಮಾಹಿತಿ ನೀಡಿರುವ ಚೀನಾದ ರಾಷ್ಟ್ರೀಯ ಆರೋಗ್ಯ ಆಯೋಗ, 2019ರಿಂದ ಇಲ್ಲಿಯವರೆಗೆ ಒಟ್ಟು 4,663 ಜನ ಕೊರೊನ ಸೋಂಕಿನಿಂದ ಮೃತರಾಗಿದ್ದಾರೆ ಎಂದು ತಿಳಿಸಿದೆ.
ಚೀನಾದಲ್ಲಿ ಬುಧವಾರದಂದು ಒಟ್ಟು 19,382 ಕೊರೊನಾ ಪ್ರಕರಣಗಳು ದಾಖಲಾಗಿದ್ದವು. ಇದರಲ್ಲಿ ದೃಢಪಟ್ಟ ಪ್ರಕರಣಗಳು 2,830. ಉಳಿದ ಲಕ್ಷಣ ರಹಿತ ಕೊರೊನಾ ಪ್ರಕರಣಗಳು ಶಾಂಘೈ ಪ್ರದೇಶದಲ್ಲಿ ಹೆಚ್ಚಾಗಿವೆ ಎಂದು ಆಯೋಗ ತಿಳಿಸಿದೆ.