ಮೆಲ್ಬೋರ್ನ್: ಮುಂಬರುವ ಮೇನಲ್ಲಿ ಪ್ರಧಾನಿ ಆಸ್ಟ್ರೇಲಿಯಾಕ್ಕೆ ಭೇಟಿ ನೀಡಲಿದ್ದು, ಈ ಹಿನ್ನೆಲೆಯಲ್ಲಿ ಭಾರತೀಯರೇ ಹೆಚ್ಚಾಗಿರುವ ಹ್ಯಾರಿಸ್‌ ಪಾರ್ಕ್‌ಗೆ ಲಿಟ್ಲ್‌ ಇಂಡಿಯಾ ಎಂಬುದಾಗಿ ನಾಮಕರಣ ಮಾಡುವಂತೆ ಒತ್ತಾಯ ಕೇಳಿಬಂದಿದೆ.
ಪಶ್ಚಿಮ ಸಿಡ್ನಿಯಲ್ಲಿರುವ ಹ್ಯಾರಿಸ್‌ ಪಾರ್ಕ್‌ ಭಾರತೀಯ ತಿಂಡಿತಿನಿಸುಗಳ ಪ್ರಖ್ಯಾತ ಸ್ಥಳವಾಗಿದ್ದು , 5043 ಜನಸಂಖ್ಯೆ ಹೊಂದಿದೆ. ಈ ಪೈಕಿ 45 ಶೇ. ಭಾರತೀಯ ಮೂಲದವರಾಗಿರುವುದು ಪ್ರಮುಖ ಅಂಶ.
ಈ ನಿಟ್ಟಿನಲ್ಲಿ ಪಾರಮಟ್ಟ ಕೌನ್ಸಿಲ್‌ ಸಭೆಯು ಮೇರಿಯನ್‌ ಹ್ಯಾರಿಸ್‌ ಪಾರ್ಕ್‌ನಲ್ಲಿರುವ ವೀಗ್ರಮ್‌ ಸ್ಟೀಟ್‌, ಸ್ಟೇಶನ್‌ ಸ್ಟ್ರೀಟ್‌ ಅನ್ನು ಲಿಟ್ಲ್‌ ಇಂಡಿಯಾ ಎಂದು ನಾಮಕರಣ ಮಾಡುವುದಕ್ಕೆ ಬೆಂಬಲ ವ್ಯಕ್ತಪಡಿಸಿದೆ. ಪ್ಯಾರಮಟ್ಟ ಕೌನ್ಸಿಲರ್‌ ಪೌಲ್‌ ನಾಕ್‌ ಈ ಬಗ್ಗೆ ಹೇಳಿಕೆ ನೀಡಿದ್ದು, ಸಿಂಗಾಪುರದಲ್ಲಿರುವ ಲಿಟ್ಲ್‌ ಇಂಡಿಯಾದಂತೆ ಆಸ್ಟ್ರೇಲಿಯಾದ ಈ ಪ್ರದೇಶಕ್ಕೂ ಲಿಟ್ಲ್‌ ಇಂಡಿಯಾ ಎಂದು ನಾಮಕರಣ ಮಾಡುವಂತೆ ಒತ್ತಾಯಿಸಿದ್ದಾರೆ.
ಆದರೆ ಆಸ್ಟ್ರೇಲಿಯಾ ಜಿಯೋಗ್ರಫಿಕಲ್‌ ಬೋರ್ಡ್‌ ಈ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿದ್ದು, ಜನರಿಗೆ ಈ ಹೆಸರು ಗೊಂದಲ ಉಂಟುಮಾಡಬಹುದು ಎಂದು ಹೇಳಿದೆ. ಈ ಬಗ್ಗೆ ಪ್ಯಾರಮಟ್ಟ ಕೌನ್ಸಿಲ್‌ ನಿರಂತರ ಜಿಎನ್‌ಬಿಯೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದು, ಹೆಸರಿಗಾಗಿ ಪ್ರಯತ್ನ ಮಾಡುತ್ತಿರುವುದಾಗಿ ತಿಳಿಸಿದೆ.
