ಗೋರಖ್ಪುರ: ಮಹಿಳೆಯೊಬ್ಬಳು ತನ್ನ ಪತಿ ಮತ್ತು ಇಬ್ಬರು ಮಲಮಕ್ಕಳನ್ನು ಕೊಲೆ ಮಾಡಿರುವ ಘಟನೆ ಉತ್ತರ ಪ್ರದೇಶದ ಗೋರಖ್ಪುರ ಜಿಲ್ಲೆಯ ಸಹಬ್ಗಂಜ್ ನಲ್ಲಿ ನಡೆದಿದೆ.
ಆರೋಪಿ ಮಹಿಳೆಯನ್ನು ಬಂಧಿಸಲಾಗಿದ್ದು, ಕೃತ್ಯಕ್ಕೆ ಬಳಸಿದ ಚಾಕುವನ್ನು ವಶಪಡಿಸಿಕೊಳ್ಳಲಾಗಿದೆ.
ವರದಿಗಳ ಪ್ರಕಾರ, 40 ವರ್ಷದ ಅವಧೇಶ್ ಗುಪ್ತಾ ತನ್ನ ಮೊದಲ ಹೆಂಡತಿಯ ಮರಣದ ನಂತರ ಮರುಮದುವೆಯಾಗಿದ್ದರು, ಅವರಿಗೆ ಆರ್ಯನ್ ಮತ್ತು ಪಿಹು ಎಂಬ ಇಬ್ಬರು ಗಂಡು ಮಕ್ಕಳಿದ್ದರು.
ಅವರ ಎರಡನೇ ಪತ್ನಿ ನೀಲಂ ಸಂತ ಕಬೀರ್ ನಗರದವರಾಗಿದ್ದು, ಅವರಿಗೆ ಪುತ್ರಿಯಿದ್ದಾಳೆ.
ಮೂಲಗಳ ಪ್ರಕಾರ, ನೀಲಂ ಬೇರೊಬ್ಬ ವ್ಯಕ್ತಿಯೊಂದಿಗೆ ಸಂಬಂಧ ಹೊಂದಿದ್ದಳು ಮತ್ತು ತನ್ನ ಪತಿ ಮತ್ತು ಮಲಮಕ್ಕಳನ್ನು ತೊಡೆದುಹಾಕಲು ಬಯಸಿದ್ದಳು.
ಅಪರಾಧ ಮಾಡಿದ ನಂತರ, ಕೆಲವು ಜನರು ತನ್ನ ಪತಿ ಮತ್ತು ಮಲಮಕ್ಕಳ ಮೇಲೆ ಹಲ್ಲೆ ನಡೆಸುತ್ತಿದ್ದಾರೆ ಎಂದು ನೀಲಂ ಪೊಲೀಸರಿಗೆ ಮಾಹಿತಿ ನೀಡಿದರು.
ಪೊಲೀಸರು ಆಕೆಯ ಮನೆಗೆ ತಲುಪಿದಾಗ ಅವಧೇಶ್ ಮತ್ತು ಇಬ್ಬರು ಗಂಡು ಮಕ್ಕಳು ರಕ್ತದ ಮಡುವಿನಲ್ಲಿ ಬಿದ್ದಿರುವುದನ್ನು ನೋಡಿದರು. ಪೊಲೀಸರು ಮೂವರನ್ನು ಆಸ್ಪತ್ರೆಗೆ ಕರೆದೊಯ್ದರು, ಅಲ್ಲಿ ಅವಧೇಶ್ ಮೃತಪಟ್ಟಿದ್ದಾನೆ ಎಂದು ವೈದ್ಯರು ಘೋಷಿಸಿದರು. ಚಿಕಿತ್ಸೆ ಫಲಕಾರಿಯಾಗದೆ ಇಬ್ಬರು ಮಕ್ಕಳು ಸಾವನ್ನಪ್ಪಿದ್ದಾರೆ.
ಅವಧೇಶ್ ಅವರ ತಾಯಿ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಾಗಿದ್ದು, ನೀಲಂನನ್ನು ಬಂಧಿಸಲಾಗಿದೆ ಎಂದು ಉತ್ತರ ಎಸ್ಪಿ ಮನೋಜ್ ಅವಸ್ಥಿ ತಿಳಿಸಿದ್ದಾರೆ.