ಸಾಮಾನ್ಯವಾಗಿ ಪುಡ್ ಆರ್ಡರ್ ಮಾಡಿದಂತಹ ಸಂದರ್ಭದಲ್ಲಿ ಪೇಪರ್ ಬ್ಯಾಗ್ಗಳಲ್ಲಿ ಪ್ಯಾಕ್ ಮಾಡಿ ಕೊಡುವುದನ್ನು ನೋಡಿರಬಹುದು. ಆದರೆ ಈ ಮಾತ್ರ ಬ್ಯಾಗ್ ನೋಡಿರಲು ಸಾಧ್ಯ ಇಲ್ಲ. ಈ ಬ್ಯಾಗ್ ಬೆಲೆ ಕೇಳಿದ್ರೆ ಖಂಡಿತ ಶಾಕ್ ಆಗ್ತೀರಾ. ಅಷ್ಟಕ್ಕೂ ಈ ಬ್ಯಾಗಿನ ಬೆಲೆ 2,80,000 ರೂ. ಈ ಚೀಲದ ಬೆಲೆ ಸುಮಾರು ರೂ. 3 ಲಕ್ಷ. ಐಷಾರಾಮಿ ಫ್ಯಾಷನ್ ಕಂಪನಿ ಲೂಯಿಸ್ ವಿಟಾನ್ ತಯಾರಿಸಿದ ಈ ಬ್ಯಾಗ್ ಇದೀಗಾ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.ಈ ಸಿಂಪಲ್ ಬ್ಯಾಗ್ ನ ವಿಶೇಷತೆಯೇನು ಎಂಬುದರ ಬಗ್ಗೆ ತಿಳಿಯೋಣ…
ಐಕಾನಿಕ್ ಫ್ರೆಂಚ್ ಬ್ರ್ಯಾಂಡ್ ಲೂಯಿಸ್ ವಿಟಾನ್ ಹಸುವಿನ ಚರ್ಮದಿಂದ ತಯಾರಿಸಿದ ಈ ಬ್ಯಾಗ್ ಅನ್ನು ಜನವರಿ 4 ರಂದು ಬಿಡುಗಡೆ ಮಾಡಿದೆ. ಈ ಬ್ಯಾಗ್ ಅನ್ನು “ಸ್ಯಾಂಡ್‌ವಿಚ್ ಬ್ಯಾಗ್” ಎಂದು ಕರೆಯಲಾಗುತ್ತದೆ.. ಲೂಯಿ ವಿಟಾನ್‌ನ ಪುರುಷರ ಕ್ರಿಯೇಟಿವ್ ನಿರ್ದೇಶಕರಾದ ಫಾರೆಲ್ ವಿಲಿಯಮ್ಸ್ ಈ ಸ್ಯಾಂಡ್‌ವಿಚ್ ಬ್ಯಾಗ್ ಅನ್ನು ತಯಾರಿಸಿದ್ದಾರೆ. ಈ ಚೀಲದ ಉದ್ದ ಕೇವಲ 30 ಸೆಂ.ಮೀ, ಎತ್ತರ 27 ಸೆಂ.ಮೀ ಮತ್ತು ಅಗಲ 17 ಸೆಂ.ಮೀ ಇದೆ. ಬ್ಯಾಗ್ ಒಳಗೆ ಜಿಪ್ ಮಾಡಿದ ಪಾಕೆಟ್ ಮತ್ತು ಡಬಲ್ ಫ್ಲಾಟ್ ಪಾಕೆಟ್ ಅನ್ನು ಒದಗಿಸಲಾಗಿದೆ. ಸದ್ಯ ಈ ಬ್ಯಾಗ್‌ನ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.
