ಅಹ್ಮದಾಬಾದ್: ಭಾರೀ ಮಳೆಯಿಂದಾಗಿ ಉಂಟಾಗಿರುವ ಪ್ರವಾಹ ಪರಿಸ್ಥಿತಿಯನ್ನು ನಿಭಾಯಿಸಲು ಗುಜರಾತ್ ಮುಖ್ಯಮಂತ್ರಿ ಭೂಪೇಂದ್ರ ಪಟೇಲ್ ಅವರು ರಾಜ್ಯದ ಪುರಸಭೆಗಳಿಗೆ 17.10 ಕೋಟಿ ರೂ. ನೆರವು ಘೋಷಿಸಿದ್ದಾರೆ.
ರಾಜ್ಯ ಸರ್ಕಾರವು ೧೫೬ ಪುರಸಭೆಗಳಿಗೆ ೧೭.೧೦ ಕೋಟಿ ರೂ.ಗಳನ್ನು ಒದಗಿಸಲಿದೆ. ಭಾರಿ ಮಳೆಯಿಂದ ಉಂಟಾಗುವ ಪರಿಸ್ಥಿತಿಯನ್ನು ಪರಿಹರಿಸಲು ಶುಚಿತ್ವ ಸೇರಿದಂತೆ ನೈರ್ಮಲ್ಯ ಕಾರ್ಯಗಳಿಗೆ ಸಹಾಯವನ್ನು ಒದಗಿಸಲಾಗುವುದು. ಪಟ್ಟಣಗಳಲ್ಲಿ ಕೀಟನಾಶಕಗಳ ಸಿಂಪಡಣೆ, ಸಾಂಕ್ರಾಮಿಕ ರೋಗಗಳನ್ನು ತಡೆಗಟ್ಟಲು ಘನತ್ಯಾಜ್ಯ ವಿಲೇವಾರಿ ಮತ್ತು ಮಳೆನೀರು ವಿಲೇವಾರಿಯಂತಹ ಕೆಲಸಗಳನ್ನು ನಿಧಿಯ ಸಹಾಯದಿಂದ ಕೈಗೊಳ್ಳಲಾಗುವುದು.
ಈ ಆರ್ಥಿಕ ನೆರವಿಗಾಗಿ ಮುಖ್ಯಮಂತ್ರಿಗಳು ಮಾನದಂಡಗಳನ್ನು ಸಹ ನಿಗದಿಪಡಿಸಿದ್ದಾರೆ. ಅದರಂತೆ, 22 ‘ಎ’ ದರ್ಜೆಯ ಪುರಸಭೆಗಳಿಗೆ ತಲಾ 20 ಲಕ್ಷ ರೂ.ಗಳನ್ನು ನೀಡಲಾಗುವುದು, ಒಟ್ಟು 4.40 ಕೋಟಿ ರೂ, 30 ‘ಬಿ’ ದರ್ಜೆಯ ಪುರಸಭೆಗಳಿಗೆ ತಲಾ 15 ಲಕ್ಷ ರೂ.ಗಳಂತೆ ಒಟ್ಟು 4.50 ಕೋಟಿ ರೂ.ಗಳನ್ನು ಹಂಚಿಕೆ ಮಾಡಲಾಗುವುದು. 60 ‘ಸಿ’ ದರ್ಜೆಯ ಪುರಸಭೆಗಳಿಗೆ ಪ್ರತಿ ಪುರಸಭೆಗೆ 10 ಲಕ್ಷ ರೂ.ಗಳಂತೆ ಒಟ್ಟು 6 ಕೋಟಿ ರೂ.ಗಳನ್ನು, 44 ‘ಡಿ’ ದರ್ಜೆಯ ಪುರಸಭೆಗಳಿಗೆ ತಲಾ 5 ಲಕ್ಷ ರೂ.ಗಳಂತೆ ಒಟ್ಟು 2.20 ಕೋಟಿ ರೂ. ನೀಡಲಾಗುವುದು ಎಂದು ಘೋಷಿಸಿದ್ದಾರೆ.
