ಹೊಸದಿಲ್ಲಿ: ಭಾರತದ ಮೊದಲ ಬುಲೆಟ್ ರೈಲು ನಿಲ್ದಾಣದ ಮೊದಲ ವಿಡಿಯೋವನ್ನು ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್ ಇಂದು ಬಿಡುಗಡೆ ಮಾಡಿದ್ದಾರೆ. ಅಹಮದಾಬಾದ್ ನಲ್ಲಿರುವ ಸಬರಮತಿ ಮಲ್ಟಿಮೋಡಲ್ ಟ್ರಾನ್ಸ್ಪೋರ್ಟ್ ಹಬ್ ನಲ್ಲಿ ಈ ರೈಲು ನಿಲ್ದಾಣವಿದೆ.
ಮುಂಬೈ ಮತ್ತು ಅಹಮದಾಬಾದ್ ನಡುವಿನ ಭಾರತದ ಮೊದಲ ಅತ್ಯಾಧುನಿಕ ಹೈಸ್ಪೀಡ್ ರೈಲ್ ಕಾರಿಡಾರ್ ನಿರ್ಮಾಣವು ವೇಗವಾಗಿ ನಡೆಯುತ್ತಿದೆ. ಮಹತ್ವಾಕಾಂಕ್ಷೆಯ ಯೋಜನೆಯು ಪಶ್ಚಿಮ ಭಾರತದ ಎರಡು ಪ್ರಮುಖ ಹಣಕಾಸು ಕೇಂದ್ರಗಳನ್ನು ಸಂಪರ್ಕಿಸುತ್ತದೆ. ಇದು 508 ಕಿಮೀ ವ್ಯಾಪಿಸಿದೆ, ಇದರಲ್ಲಿ 448 ಕಿಮೀ ಎಲಿವೇಟೆಡ್, 26 ಕಿಮೀ ಸುರಂಗಗಳಲ್ಲಿ, 10 ಕಿಮೀ ಸೇತುವೆಗಳಲ್ಲಿ ಮತ್ತು 7 ಕಿಮೀ ಏರಿಯ ಮೇಲೆ ಚಲಿಸುತ್ತದೆ.
ಇನ್ನು ಸುಮಾರು 1,33,000 ಚದರ ಮೀಟರ್ಗಳ ಒಟ್ಟು ವಿಸ್ತೀರ್ಣದೊಂದಿಗೆ, ಕಟ್ಟಡವನ್ನು ಅವಳಿ ರಚನೆಯಾಗಿ ನಿರ್ಮಿಸಲಾಗುತ್ತಿದ್ದು, ಕಚೇರಿಗಳು, ಕಮರ್ಷಿಯಲ್ ಡೆವೆಲಪ್ ಮೆಂಟ್ ಮತ್ತು ಚಿಲ್ಲರೆ ಮಾರಾಟ ಮಳಿಗೆಗಳಿಗೆ ಜಾಗವನ್ನು ಮೀಸಲಿಡಲಾಗಿದೆ. 2027 ರ ವೇಳೆಗೆ ಈ ನಿಲ್ದಾಣದ ಕೆಲಸ ಪೂರ್ಣಗೊಳಿಸುವ ಗುರಿಯನ್ನು ಹೊಂದಿದೆ.