ನವದೆಹಲಿ: ಕಳೆದ ಐದು ವರ್ಷಗಳಲ್ಲಿ ದೇಶದಲ್ಲಿ 2.75 ಲಕ್ಷಕ್ಕೂ ಹೆಚ್ಚು ಮಕ್ಕಳು ನಾಪತ್ತೆಯಾಗಿದ್ದು, 2.4 ಲಕ್ಷಕ್ಕೂ ಹೆಚ್ಚು ಮಕ್ಕಳು ಪತ್ತೆಯಾಗಿದ್ದಾರೆ ಎಂದು ಕೇಂದ್ರ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಸ್ಮೃತಿ ಇರಾನಿ ಲೋಕಸಭೆಗೆ ಮಾಹಿತಿ ನೀಡಿದ್ದಾರೆ.
ಕಾಣೆಯಾದವರಲ್ಲಿ, 2.12 ಲಕ್ಷಕ್ಕೂ ಹೆಚ್ಚು ಮಕ್ಕಳಲ್ಲಿ ಹುಡುಗಿಯರೇ ಇದ್ದು, ಹುಡುಗರ ಸಂಖ್ಯೆ 62,000 ಆಗಿದೆ. ಕರ್ನಾಟಕದಲ್ಲಿಯೇ 27,000 ಕ್ಕೂ ಹೆಚ್ಚು ಮಕ್ಕಳು ನಾಪತ್ತೆಯಾಗಿದ್ದಾರೆ, ಈ ವಿಷಯದಲ್ಲಿ ರಾಜ್ಯವು 3ನೇ ಸ್ಥಾನದಲ್ಲಿದೆ.
ಜನವರಿ 2018 ಮತ್ತು ಜೂನ್ 2023 ರ ನಡುವೆ ಕಾಣೆಯಾದ ಮಕ್ಕಳ ಸಂಖ್ಯೆಯ ಕುರಿತು ಹಿಸಾರ್ನ ಬಿಜೆಪಿ ಸಂಸದ ಬ್ರಿಜೇಂದ್ರ ಸಿಂಗ್ ಅವರು ಕೇಳಿದ ಪ್ರಶ್ನೆಗೆ ಲೋಕಸಭೆಯಲ್ಲಿ ಈ ಉತ್ತರವನ್ನು ಸ್ಮೃತಿ ಇರಾನಿ ಅವರು ನೀಡಿದ್ದಾರೆ.
ಕಾಣೆಯಾದ ಒಟ್ಟು ಮಕ್ಕಳ ಸಂಖ್ಯೆ 2,75,125, ಮತ್ತು ಇದರಲ್ಲಿ 2,12,825 ಹುಡುಗಿಯರು ಮತ್ತು 62,237 ಗಂಡುಮಕ್ಕಳು ಮತ್ತು 63 ತೃತೀಯಲಿಂಗಿಗಳಿದ್ದಾರೆ. ಕಾಣೆಯಾದ 61,102 ಮಕ್ಕಳು, 49,024 ಹುಡುಗಿಯರು ಮತ್ತು 12,075 ನಾಪತ್ತೆಯಾದ ಹುಡುಗರೊಂದಿಗೆ ಮಧ್ಯಪ್ರದೇಶ ಅಗ್ರಸ್ಥಾನದಲ್ಲಿದೆ.