ನವದೆಹಲಿ : 2 ಡೋಸ್ ಲಸಿಕೆ ಪಡೆದುಕೊಂಡಿದ್ದರೂ ಭಾರತಿಯರು 10 ದಿನಗಳ ಕ್ವಾರಂಟೈನ್() ಆಗಬೇಕು ಎಂಬ ಬ್ರಿಟನ್ ಸರ್ಕಾರದ ನಡೆ ತಾರತಮ್ಯದಿಂದ ಕೂಡಿದೆ ಎಂದು ಭಾರತ ಆರೋಪಿಸಿದೆ . ‘ಒಂದು ವೇಳೆ ಭಾರತದ ಮನವಿಗೆ ಬ್ರಿಟನ್ ಸ್ಪಂದಿಸದೇ ಇದ್ದರೆ ಪ್ರತಿಯಾಗಿ ಕ್ರಮಗಳನ್ನು ಕೈಗೊಳ್ಳಬೇಕಾದೀತು’ ಎಂದು ಎಚ್ಚರಿಸಿದೆ.
ಬ್ರಿಟನ್ ವಿದೇಶಾಂಗ ಸಚಿವಾಲಯದ ಜೊತೆಗಿನ ಸಭೆಯ ವೇಳೆ ಮಂಗಳವಾರ ಈ ವಿಷಯ ಪ್ರಸ್ತಾಪಿಸಿದ ವಿದೇಶಾಂಗ ಸಚಿವ ಎಸ್. ಜೈಶಂಕರ್, ‘ಕ್ವಾರಂಟೈನ್ಗೆ ಸಂಬಂಧಿಸಿದ ಸಂಗತಿಯನ್ನು ಆದಷ್ಟು ಶೀಘ್ರ ಬಗೆಹರಿಸಬೇಕು’ ಎಂದು ಒತ್ತಾಯಿಸಿದ್ದಾರೆ.
‘ಭಾರತದಲ್ಲಿ ಬಳಕೆ ಆಗುತ್ತಿರುವ ಕೋವಿಶೀಲ್ಡ್ ಲಸಿಕೆಯ ಮೂಲ ಬ್ರಿಟನ್. ನಾವು 50 ಲಕ್ಷ ಡೋಸ್ ಲಸಿಕೆಯನ್ನು ಬ್ರಿಟನ್ಗೆ ಪೂರೈಕೆ ಮಾಡಿದ್ದೇವೆ. ಅದು ಬ್ರಿಟನ್ನ ಆರೋಗ್ಯ ವ್ಯವಸ್ಥೆಯಲ್ಲಿ ಬಳಕೆ ಆಗುತ್ತಿದೆ. ಹೀಗಿದ್ದೂ ಕೋವಿಶೀಲ್ಡ್ಗೆ ಮಾನ್ಯತೆ ನೀಡದೇ ಇರುವುದು ತಾರತಮ್ಯದ ನಡೆಯಾಗಿದೆ. ಬ್ರಿಟನ್ ವಿದೇಶಾಂಗ ಸಚಿವಾಲಯ ಜೊತೆ ಈ ವಿಷಯವನ್ನು ಪ್ರಸ್ತಾಪಿಸಲಾಗಿದೆ. ಸಮಸ್ಯೆಯನ್ನು ಆದಷ್ಟುಶೀಘ್ರ ಬಗೆಹರಿಸುವ ಆಶ್ವಾಸನೆ ದೊರೆತಿದೆ’ ಎಂದು ವಿದೇಶಾಂಗ ಸಚಿವಾಲಯದ ಹೇಳಿಕೆಯಲ್ಲಿ ತಿಳಿಸಲಾಗಿದೆ.