ನವದೆಹಲಿ:ಡಿಸೆಂಬರ್ ಒಂದರಿಂದ, ಬೆಂಕಿ ಪೊಟ್ಟಣದ ಬೆಲೆ ಪ್ರಸ್ತುತ ₹1 ರಿಂದ ₹2 ಗೆ ಏರಿಕೆ ಆಗಲಿದ್ದು ಗ್ರಾಹಕರಿಗೆ ಮತ್ತೊಮ್ಮೆ ಬೆಲೆ ಏರಿಕೆಯ ಬಿಸಿ ತಟ್ಟಿದೆ . 14 ವರ್ಷಗಳ ನಂತರ ಬೆಂಕಿಪೊಟ್ಟಣದ ಬೆಲೆ ಹೆಚ್ಚಳವಾಗುತ್ತಿದೆ.ಕಚ್ಚಾ ವಸ್ತುಗಳ ಬೆಲೆಯಲ್ಲಿನ ಹೆಚ್ಚಳ ಮತ್ತು ನಂತರದ ಉತ್ಪಾದನಾ ವೆಚ್ಚದಲ್ಲಿನ ಏರಿಕೆಯು ಬೆಂಕಿಪಟ್ಟಣದ ಬೆಲೆಯಲ್ಲಿ 100% ಹೆಚ್ಚಳಕ್ಕೆ ಕಾರಣವೆಂದು ಉದ್ಯಮ ಸಂಸ್ಥೆ ಉಲ್ಲೇಖಿಸಿದೆ.ಆದಾಗ್ಯೂ ಒಂದು ಪೆಟ್ಟಿಗೆಯಲ್ಲಿ ಬೆಂಕಿಕಡ್ಡಿಗಳ ಸಂಖ್ಯೆ, ಹೆಚ್ಚು ಇರುತ್ತದೆ. ₹2 ಮ್ಯಾಚ್ಬಾಕ್ಸ್ 50 ಕಡ್ಡಿಗಳನ್ನು ಹೊಂದಿರುತ್ತದೆ,ಈ ಮೊದಲು ₹1 ಬಾಕ್ಸ್ನಲ್ಲಿ 36 ಕಡ್ಡಿ ಇರುತಿತ್ತು. ಬೆಲೆ ಏರಿಕೆ ಡಿಸೆಂಬರ್ 1 ರಿಂದ ಜಾರಿಗೆ ಬರಲಿದೆ.
ರಾಷ್ಟ್ರೀಯ ಸಣ್ಣ ಬೆಂಕಿಪೆಟ್ಟಿಗೆ ತಯಾರಕರ ಸಂಘದ ಕಾರ್ಯದರ್ಶಿ ವಿ ಎಸ್ ಸೇತುರಥಿನಂ ‘ ಉತ್ಪಾದನಾ ವೆಚ್ಚದ ಹೆಚ್ಚಳದಿಂದಾಗಿ ಬೆಂಕಿಕಡ್ಡಿಯ ಗರಿಷ್ಠ ಚಿಲ್ಲರೆ ಬೆಲೆಯನ್ನು ಹೆಚ್ಚಿಸುವುದನ್ನು ಬಿಟ್ಟು ಬೇರೆ ದಾರಿಯಿಲ್ಲ.ಒಂದು ಕಿಲೋ ಕೆಂಪು ರಂಜಕ ₹410ರಿಂದ ₹850ಕ್ಕೆ, ಮೇಣ ₹72ರಿಂದ ₹85ಕ್ಕೆ, ಪೊಟಾಶಿಯಂ ಕ್ಲೋರೇಟ್ ₹68ರಿಂದ ₹80ಕ್ಕೆ, ಸ್ಪ್ಲಿಂಟ್ಗಳು ₹42ರಿಂದ ₹48ಕ್ಕೆ ಏರಿಕೆಯಾಗಿದೆ. ಹೊರ ಪೆಟ್ಟಿಗೆ ₹42ರಿಂದ ₹55ಕ್ಕೆ ಮತ್ತು ಒಳಗಿನ ಬಾಕ್ಸ್ ₹ 38 ರಿಂದ ₹ 48 ಕ್ಕೆ ಏರಿಕೆ ಆಗಿದೆ. ಈ ರೀತಿಯಾಗಿ, ಎಲ್ಲಾ ಕಚ್ಚಾ ವಸ್ತುಗಳ ಬೆಲೆ ಅನೇಕ ಪಟ್ಟು ಹೆಚ್ಚಾಗಿದೆ, ‘ಎಂದು ಹೇಳಿದ್ದಾರೆ.