ನವದೆಹಲಿ: ಹಿಮಾಚಲ ಪ್ರದೇಶ(55.74 ಲಕ್ಷ) ಸಿಕ್ಕಿಂ(5.10 ಲಕ್ಷ), ಗೋವಾ(11.83 ಲಕ್ಷ) ಹಾಗೂ ಕೇಂದ್ರಾಡಳಿತ ಪ್ರದೇಶಗಳಾದ ದಾದ್ರಾ ಮತ್ತು ನಗರ್‌ ಹವೇಲಿ(6.26 ಲಕ್ಷ), ಲಡಾಖ್‌(1.97 ಲಕ್ಷ) ಮತ್ತು ಲಕ್ಷದ್ವೀಪ(53,499) ಸೇರಿದಂತೆ 6 ರಾಜ್ಯಗಳಲ್ಲಿ ಮೊದಲ ಡೋಸ್ ಲಸಿಕೆ ಯಶಸ್ವಿಯಾಗಿ ಪೂರೈಕೆ.
ದೇಶದ 6 ರಾಜ್ಯಗಳಲ್ಲಿ ಕೋವಿಡ್ ಲಸಿಕೆ ಪಡೆಯಲು ಅರ್ಹರಾದ ಶೇ.100ರಷ್ಟುಮಂದಿಗೆ ಮೊದಲ ಡೋಸ್ ನೀಡಿಕೆ ಪೂರ್ಣವಾಗಿದೆ ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.ಇಂದು 75 ಕೋಟಿ ಲಸಿಕೆ ಮೈಲುಗಲ್ಲು
ನವದೆಹಲಿ: ದೇಶದಲ್ಲಿ ಕೋವಿಡ್ ಲಸಿಕೆ ನೀಡಿಕೆ ಭಾನುವಾರ 74 ಕೋಟಿ ಗಡಿಯನ್ನು ದಾಟಿದೆ. ಕೋವಿನ್‌ ಪೋರ್ಟಲ್‌ನ ಪ್ರಕಾರ ಭಾನುವಾರ ರಾತ್ರಿ 8 ಗಂಟೆಯವರೆಗೆ ಸುಮಾರು 50.25 ಲಕ್ಷ ಡೋಸ್‌ಗಳನ್ನು ವಿತರಿಸಲಾಗಿದೆ. ಹೀಗಾಗಿ ಸೋಮವಾರ ಲಸಿಕೆ ವಿತರಣೆಯಲ್ಲಿ 75 ಕೋಟಿ ಮೈಲುಗಲ್ಲು ದಾಟುವುದು ಖಚಿತವಾಗಿದೆ. 2021ರ ಜ.16ರಂದು ದೇಶದಲ್ಲಿ ಲಸಿಕೆ ನೀಡಿಕೆ ಆರಂಭವಾಗಿತ್ತು.
