ಆಂಧ್ರ ಪ್ರದೇಶ: ಜುಲೈ 14 ರ ಇಂದು ಮಧ್ಯಾಹ್ನ 2.35ಕ್ಕೆ ಗಗನಕ್ಕೆ ಚಿಮ್ಮಿರುವ ಚಂದ್ರಯಾನ -3 ಚಂದ್ರನ ಅಂಗಳ ತಲುಪೋದಕ್ಕೆ ಬರೋಬ್ಬರಿ 40 ದಿನ ಬೇಕು. ಆಗಸ್ಟ್ 23 ಅಥವಾ 24 ರಂದು ಚಂದ್ರನ ಮೇಲೆ ನೌಕೆ ಲ್ಯಾಂಡ್ ಆಗಲಿದೆ. ಶ್ರೀಹರಿಕೋಟಾದಿಂದ ಹೊರಟ ರಾಕೆಟ್, ಮೊದಲಿಗೆ ಭೂಮಿಯ ಕಕ್ಷೆಗೆ ಗಗನ ನೌಕೆಯನ್ನು ತಲುಪಿಸಲಿದೆ. ಆ ನಂತರ ಈ ನೌಕೆ ಭೂಮಿಯ ಸುತ್ತಲೂ ತಿರುಗುತ್ತಾ ಹೋಗುತ್ತದೆ.
ಪ್ರತಿ ಬಾರಿ ಭೂಮಿಯನ್ನು ಸುತ್ತು ಹಾಕುವಾಗಲೂ ಭೂಮಿಯಿಂದ ತನ್ನ ದೂರ ಹೆಚ್ಚಿಸಿಕೊಳ್ಳುತ್ತೆ. ನಂತರ ಚಂದ್ರನ ಗುರುತ್ವಾಕರ್ಷಣೆಗೆ ಒಳಪಟ್ಟು ಚಂದ್ರನ ಕಕ್ಷೆ ಸೇರುವ ನೌಕೆ, ಅಲ್ಲಿಯೂ ಕೂಡಾ ಚಂದ್ರನನ್ನು ಸುತ್ತು ಹಾಕಲಿದೆ. ಪ್ರತಿ ಬಾರಿ ಸುತ್ತು ಹಾಕುವಾಗಲೂ ಚಂದ್ರನಿಗೆ ಸಮೀಪವಾಗಲಿದೆ. ಅಂತಿಮವಾಗಿ ಚಂದ್ರನಿಂದ 100 ಕಿ. ಮೀ. ದೂರ ಇರುವಾಗ ಗಗನ ನೌಕೆಯಿಂದ ಲ್ಯಾಂಡರ್ ಬೇರ್ಪಡಲಿದೆ. ಈ ಲ್ಯಾಂಡರ್ನಲ್ಲಿ ಇಂಧನ ಹಾಗೂ ಎಂಜಿನ್ ಇರುತ್ತದೆ. ಇದರ ಸಹಾಯದಿಂದ ಲ್ಯಾಂಡರ್ ಚಂದ್ರನ ದಕ್ಷಿಣ ಧ್ರುವದ ಬಳಿ ಇಳಿಯಲಿದೆ. ಲ್ಯಾಂಡರ್ ಸುರಕ್ಷಿತವಾಗಿ ಲ್ಯಾಂಡ್ ಆದ ಬಳಿಕ ಇಳಿಜಾರಿನ ರೀತಿಯ ರ್ಯಾಂಪ್ ತೆರೆದುಕೊಳ್ಳಲಿದೆ. ಬಳಿಕ ಲ್ಯಾಂಡರ್ ಒಳಗಿದ್ದ ರೋವರ್ ನಿಧಾನವಾಗಿ ಚಂದ್ರನ ಅಂಗಳಕ್ಕೆ ಕೊಡಲಿದೆ.