ಅನಂತಪುರಂ : ಹಾವುಗಳು ಎಂದ ಕೂಡಲೇ ಎಲ್ಲರೂ ಭಯಭೀತರಾಗುತ್ತಾರೆ. ಆದರೆ, ಇಲ್ಲೊಬ್ಬ ವ್ಯಕ್ತಿಯೇ ಆಹಾರವೇ ಹಾವು ಎಂದರೆ ನೀವು ನಂಬಲೇಬೇಕು. ಆತ ಹಾವನ್ನು ಸುಲಭವಾಗಿ ತಿನ್ನುತ್ತಾನೆ.
ಆಂಧ್ರಪ್ರದೇಶದಲ್ಲಿನ ವ್ಯಕ್ತಿಯೇ ಈ ರೀತಿಯಾಗಿ ಹಸಿಯಾಗಿ ತಿನ್ನುತ್ತಾನೆ. ಅನಂತಪುರಂ ಜಿಲ್ಲೆಯ ಪುತ್ತೂರು ವಲಯದ ಶಣಗಳಗೂಡೂರು ಗ್ರಾಮದಲ್ಲಿನ ಪುಳ್ಳಣ್ಣ ಎಂಬ 60 ವರ್ಷದ ಹಾವು ತಿನ್ನುವ ವ್ಯಕ್ತಿ. ಹೀಗಾಗಿ ಸತ್ತ ಹಾವನ್ನು ಈ ವ್ಯಕ್ತಿ ಹುಡುಕುತ್ತಿರುತ್ತಾನೆ.
ಆರಂಭದಲ್ಲಿ ಜನರು ಈತ ಹಾವುಗಳ ಪ್ರಿಯ ಎಂದೇ ಭಾವಿಸಿದ್ದರು. ಈ ವ್ಯಕ್ತಿ ಸತ್ತ ಹಾವು ಕಂಡರೆ ಅದಕ್ಕೆ ಹುಳಿ ಹಾಕಿ ತಿನ್ನುತ್ತಿದ್ದ. ಈ ರೀತಿ ಹಲವಾರು ವರ್ಷಗಳಿಂದ ಆತ ಹಾವುಗಳನ್ನು ತಿನ್ನುತ್ತಿದ್ದ. ಇತ್ತೀಚೆಗಷ್ಟೇ ಗ್ರಾಮದ ಜನರಿಗೆ ಈ ವಿಷಯ ತಿಳಿದು ಬಂದಿದೆ.
ಎರಡು ದಿನಗಳ ಹಿಂದೆ ಆ ಗ್ರಾಮದಲ್ಲಿ ಸತ್ತ ಹಾವಿನ ವಿಡಿಯೋ ತೆಗೆದಿದ್ದ ಕೆಲವು ಯುವಕರು ಸತ್ತ ಹಾವನ್ನು ಜಗಿದು ತಿನ್ನುತ್ತಿರುವ ಪುಳ್ಳಣ್ಣನ ಫೋಟೋ, ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದಾರೆ. ಜನರು ಇದನ್ನು ಕಂಡು ಶಾಕ್ ಆಗಿದ್ದಾರೆ.
ಸದ್ಯ ಈತನ ವರ್ತನೆಗೆ ಜನರು ಆತಂಕ ವ್ಯಕ್ತಪಡಿಸುತ್ತಿದ್ದಾರೆ. ಆದರೆ, ಆತನಿಗೆ ಇದುವರೆಗೂ ಏನೂ ಆಗಿಲ್ಲ. ಹಾವು ಸತ್ತು ಬಿದ್ದರೆ ಆತ ಹುಡುಕಿಕೊಂಡು ತಿನ್ನುತ್ತಾನೆ.
