ಲಂಡನ್: ಜಗತ್ತಿನ ಅತಿಹೆಚ್ಚು ಬೇಡಿಕೆಯ ವಿಸ್ಕಿಗಳಲ್ಲಿ ಒಂದಾಗಿರುವ ದಿ ಮಕಲನ್‌ ಅದಾಮಿ 1926 ಹೆಸರಿನ ಸ್ಕಾಚ್‌ ವಿಸ್ಕಿಯ ಒಂದು ಬಾಟಲ್‌ ಬೆಲೆ 22.48 ಕೋಟಿ ರೂ. ಮೊತ್ತಕ್ಕೆ ಹರಾಜಾಗಿದೆ.
ಲಂಡನ್ ನ ಹೆಸರಾಂತ ಹರಾಜು ಮನೆಯಾದ ಸೋಥೆಬೈಸ್‌ನಲ್ಲಿ ದೂರವಾಣಿ ಹಾಗೂ ಕೊಠಡಿಯಲ್ಲಿ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಖರೀದಿದಾರರು ಪೈಪೋಟಿಗೆ ಬಿದ್ದಿದ್ದಾರೆ. ಈ ವಿಸ್ಕಿಯ ಲೇಬಲ್‌ ಗಳನ್ನು ಇಟಲಿಯ ವರ್ಣ ಚಿತ್ರಕಾರ ವ್ಯಾಲಿರಿಯೊ ಅಡಾಮಿ ವಿನ್ಯಾಸ ಮಾಡಿದ್ದಾರೆ,
ಈ ವಿಸ್ಕಿಯನ್ನು ಬಟ್ಟಿ ಇಳಿಸಿದ್ದು 1926ರಲ್ಲಿ 1986ರಲ್ಲಿ ಇದನ್ನು ಬಾಟಲಿಯಲ್ಲಿ ಸಂಗ್ರಹಿಸುವ ಮೊದಲು ಅರವತ್ತು ವರ್ಷ ಕಾಲ ಶರ್ರಿ ಪಿಪಾಯಿಗಳಲ್ಲಿ ಸಂಗ್ರಹಿಸಲಾಗಿತ್ತು. ಇದೇ ಪಿಪಾಯಿಯಿಂದ ಸಂಗ್ರಹಿಸಿದ್ದ ಮತ್ತೊಂದು ಬಾಟಲಿ ವಿಸ್ಕಿ 2019ರಲ್ಲಿ ನಡೆದ ಹರಾಜಿನಲ್ಲಿ 15.56 ಕೋಟಿ ರೂ.ಗಳಿಗೆ ಹರಾಜಾಗಿತ್ತು.
