ಅಹಮದಾಬಾದ್‌: ಪಾಕಿಸ್ತಾನದ ಜೈಲಿನಿಂದ ಭಾರತದ 80 ಮೀನುಗಾರರನ್ನು ಬಿಡುಗಡೆ ಮಾಡಲಾಗಿದ್ದು, ದೀಪಾವಳಿ ಹಬ್ಬದ ದಿನ ಅವರು ತಮ್ಮ ಕುಟುಂಬಸ್ಥರನ್ನು ಸೇರಿಕೊಂಡಿದ್ದಾರೆ.
ಕರಾಚಿ ಜೈಲಿನಿಂದ ಬಿಡುಗಡೆಯಾದ ಮೀನುಗಾರರು ರೈಲಿನ ಮೂಲಕ ಭಾನುವಾರ ಗುಜರಾತ್‌ನ ವಡೋದರಕ್ಕೆ ತಲುಪಿದ್ದಾರೆ. ಅಲ್ಲಿಂದ ಅವರನ್ನು ಸೋಮನಾಥ್ ಜಿಲ್ಲೆಗೆ ಕರೆದೊಯ್ದು ಕುಟುಂಬದ ಜೊತೆ ಸೇರಿಸಲಾಗಿದೆ. ಗುರುವಾರವೇ ಜೈಲಿನಿಂದ ಬಿಡುಗಡೆಯಾದ ಯೋಧರನ್ನು ಶುಕ್ರವಾರ ಗುಜರಾತ್‌ನ ಮೀನುಗಾರಿಕೆ ಇಲಾಖೆಯ ತಂಡಕ್ಕೆ ಅಟ್ಟಾರಿ ವಾಭಾ ಗಡಿಯಲ್ಲಿ ಹಸ್ತಾಂತರಿಸಲಾಗಿತ್ತು.
2020ರಲ್ಲಿ ಎಂದಿನಂತೆ ಸಮುದ್ರದಲ್ಲಿ ಮೀನುಗಾರಿಕೆಗೆ ತೆರಳಿದ ಮೀನುಗಾರರನ್ನು ಸಮುದ್ರ ಗಡಿ ಮೀರಿದ ಆರೋಪ ಮೇಲೆ ಪಾಕಿಸ್ತಾನದ ಅಧಿಕಾರಿಗಳು ಬಂಧಿಸಿ ಕರೆದೊಯ್ದಿದರು.
