ಹೈದರಾಬಾದ್: ಟಿವಿ ನಿರೂಪಕಿಯೊಬ್ಬರು ಡೆತ್ ನೋಟಿನಲ್ಲಿ ನನ್ನ `ಮೆದುಳೇ ನನ್ನ ಶತ್ರು’ ಎಂದು ಬರೆದು ಐದು ಅಂತಸ್ತಿನ ಅಪಾರ್ಟ್ ಮೆಂಟ್ ನಿಂದ ಜಿಗಿದು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಇಲ್ಲಿನ ಮೂಸಾಪೇಟ್ ನಲ್ಲಿ ನಡೆದಿದೆ.
ಕಚೇರಿಯಿಂದ ಕೆಲಸ ಮುಗಿಸಿಕೊಂಡು ಬಂದಿದ್ದ ತೆಲುಗು ಸುದ್ದಿ ವಾಹಿನಿ ವಿ6ನ ನಿರೂಪಕಿ ರಾಧಿಕಾ ರೆಡ್ಡಿ(36) ಕೆಲವೇ ಹೊತ್ತಿನಲ್ಲಿ ಟೆರೇಸ್ ಮೇಲೆ ಹೋಗಿ ಕೆಳಗೆ ಜಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ವರದಿಗಳು ಹೇಳಿವೆ.
ರಾಧಿಕಾ ಅವರು ವಿಚ್ಛೇದಿತೆಯಾಗಿದ್ದು, ಅವರಿಗೆ 14ರ ಹರೆಯದ ಮಗನಿದ್ದಾನೆ. ಆತ ಮಾನಸಿಕ ಸಮಸ್ಯೆಯಿಂದ ಬಳಲುತ್ತಿರುವ ಕಾರಣದಿಂದ ರಾಧಿಕಾ ಅವರು ಖಿನ್ನತೆಗೆ ಒಳಗಾಗಿದ್ದರು ಎಂದು ಪೊಲೀಸರು ಹೇಳಿದ್ದಾರೆ.