ಲೀಥಿಯಂ ಮತ್ತು ಕೊಬಾಲ್ಟ್ ಇವೆರಡೂ ಖನಿಜಗಳೂ ಬ್ಯಾಟರಿ ತಯಾರಿಕೆಯಲ್ಲಿ ಬೇಕಾಗುವ ವಸ್ತುಗಳು. ಚೀನಾವೇ ಪಾರಮ್ಯ ಸಾಧಿಸಿರುವ ಈ ಮಾರುಕಟ್ಟೆಯಲ್ಲಿ ಯಾವುದೇ ದೇಶ ತನ್ನ ಪೂರೈಕೆಯನ್ನು ಖಾತ್ರಿಪಡಿಸಿಕೊಳ್ಳದ ಹೊರತೂ ಲೀಥಿಯಂ-ಆಧರಿತ ಬ್ಯಾಟರಿ ನಂಬಿಕೊಂಡು ವಿದ್ಯುತ್ ಚಾಲಿತ ವಾಹನಗಳ ಕ್ರಾಂತಿ ಮಾಡುತ್ತೇವೆ ಎಂದು ಹೇಳಲಾಗುವುದಿಲ್ಲ.
ವಾಹನೋದ್ಯಮ, ಕೆಲ ಲೋಹಗಳಲ್ಲಿ ಸವಕಳಿ ತಡೆಯುವ ಸಾಧನವಾಗಿಯೂ ಕೊಬಾಲ್ಟ್ ನ ಬೇರೆ ಬೇರೆ ಉಪಯೋಗಗಳಿವೆ. ಇದೀಗ, ಆಸ್ಟ್ರೇಲಿಯದ ಲೀಥಿಯಂ ಮತ್ತು ಕೊಬಾಲ್ಟ್ ಗಣಿಗಳಲ್ಲಿ ಗಣಿಗಾರಿಕೆ ನಡೆಸುವ ಗುತ್ತಿಗೆಯನ್ನು ಭಾರತ ಪಡೆಯುತ್ತಿರುವುದಾಗಿ ರಾಯಿಟರ್ಸ್ ಸುದ್ದಿಸಂಸ್ಥೆ ವರದಿ ಮಾಡಿರುವುದು ಈ ನಿಟ್ಟಿನಲ್ಲಿ ಒಂದು ಸ್ಪರ್ಧಾತ್ಮಕ ಬೆಳವಣಿಗೆಯಾಗಿದೆ.
ಈ ನಿಟ್ಟಿನಲ್ಲಿ ಭಾರತದ ಸರ್ಕಾರಿ ಸ್ವಾಮ್ಯದ ‘ಖನಿಜ್ ಬಿದೇಶ್ ಇಂಡಿಯಾ ಲಿಮಿಟೆಡ್’, ಆಸ್ಟ್ರೇಲಿಯದ ‘ಕ್ರಿಟಿಕಲ್ ಮಿನರಲ್ಸ್ ಫೆಸಿಲಿಟೇಶನ್ ಆಫೀಸ್’ ಜತೆ ಪ್ರಾರಂಭಿಕ ಒಪ್ಪಂದವನ್ನು ಮಾಡಿಕೊಂಡಿದೆ.