ಭಾರತದ ಪ್ರಸಿದ್ಧ ಸ್ಮಾರ್ಟ್ಫೋನ್ ಕಂಪನಿ ‘ಲಾವಾ’ ದೇಶದಲ್ಲಿ ಆಗಾಗ ಆಕರ್ಷಕ ಫೋನ್ಗಳನ್ನು ಬಿಡುಗಡೆ ಮಾಡುತ್ತದೆ. ಹೆಚ್ಚಾಗಿ ಬಜೆಟ್ ಬೆಲೆಯ ಮೊಬೈಲ್ ಅನ್ನು ಅನಾವರಣ ಮಾಡುವ ಕಂಪನಿ ಇದೀಗ ಅತಿ ಕಡಿಮೆ ಬೆಲೆಗೆ ದೇಶದಲ್ಲಿ ತನ್ನ ಹೊಸ ಲಾವಾ ಯುವ 2 ಸ್ಮಾರ್ಟ್ಫೋನನ್ನು ರಿಲೀಸ್ ಮಾಡಿದೆ.
ಭಾರತದಲ್ಲಿ ‘ಲಾವಾ ಯುವ 2’ ಸ್ಮಾರ್ಟ್ಫೋನ್ ಸದ್ಯಕ್ಕೆ ಬಿಡುಗಡೆ ಆಗಿದೆ. ಇದರ 3GB RAM + 64GB ಸ್ಟೋರೇಜ್ ಮಾದರಿಗೆ 6,999 ರೂ. ನಿಗದಿ ಮಾಡಲಾಗಿದೆ. ಇದನ್ನು ಗ್ಲಾಸ್ ಬ್ಲೂ, ಗ್ಲಾಸ್ ಗ್ರೀನ್ ಮತ್ತು ಗ್ಲಾಸ್ ಲ್ಯಾವೆಂಡರ್ ಬಣ್ಣ ಆಯ್ಕೆಗಳಲ್ಲಿ ಖರೀದಿಸಬಹುದು. ಪ್ರಸ್ತುತ ಭಾರತದಲ್ಲಿ ಲಾವಾ ಇ-ಸ್ಟೋರ್ ಮೂಲಕ ಮಾರಾಟ ಕಾಣುತ್ತಿದೆ.
ಡ್ಯುಯಲ್-ಸಿಮ್ (ನ್ಯಾನೋ) ಹೊಂದಿರುವ ಲಾವಾ ಯುವ 2 ಆಂಡ್ರಾಯ್ಡ್ 12 ನಲ್ಲಿ ಕಾರ್ಯನಿರ್ವಹಿಸುತ್ತದೆ. 90Hz ರಿಫ್ರೆಶ್ ದರ ಮತ್ತು 269ppi ಪಿಕ್ಸೆಲ್ ಸಾಂದ್ರತೆಯೊಂದಿಗೆ 6.51-ಇಂಚಿನ HD+ (720×1,600 ಪಿಕ್ಸೆಲ್ಗಳು) ಡಿಸ್ಪ್ಲೇಯನ್ನು ಹೊಂದಿದೆ. 3GB RAM, 13-ಮೆಗಾಪಿಕ್ಸೆಲ್ ಡ್ಯುಯಲ್ ರಿಯರ್ ಕ್ಯಾಮೆರಾ,ಹಿಂಬದಿಯ ಕ್ಯಾಮೆರಾ HDR, ಪೋರ್ಟ್ರೇಟ್, ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ ಮುಂಭಾಗದಲ್ಲಿ 5-ಮೆಗಾಪಿಕ್ಸೆಲ್ ಕ್ಯಾಮೆರಾ, 64GB ಯ ಆಂತರಿಕ ಸಂಗ್ರಹಣೆ, ಮೈಕ್ರೋ SD ಕಾರ್ಡ್ ಮೂಲಕ 512GB, 4G, ಬ್ಲೂಟೂತ್ 5 ಬೆಂಬಲಿಸುತ್ತದೆ.10W ಚಾರ್ಜಿಂಗ್, 5,000mAh ಬ್ಯಾಟರಿ ಹೊಂದಿದೆ.