ನವದೆಹಲಿ: ಮೇಡ್ ಬೈ ಗೂಗಲ್ ಇವೆಂಟ್‌ನಲ್ಲಿ ಲಾಂಚ್ ಆಗಿರುವ ಪಿಕ್ಸೆಲ್ 8 ಸ್ಮಾರ್ಟ್‌ಫೋನ್ ಸಾಕಷ್ಟು ಗಮನ ಸೆಳೆಯುತ್ತದೆ. ಗೂಗಲ್ ಟೆನ್ಸರ್ ಜಿ3 ಆಧರಿತವಾಗಿರುವ ಪಿಕ್ಸೆಲ್ 8 ಮತ್ತು ಪಿಕ್ಸೆಲ್ 8 ಪ್ರೋ ಸ್ಮಾರ್ಟ್‌ಫೋನ್‌ಗಳು ಕಾರ್ ಕ್ರ್ಯಾಶ್ ಪತ್ತೆ ಮತ್ತು ಫೋಟೋ ಅನ್‌ಬ್ಲರ್ ಫೀಚರ್‌ಗಳನ್ನು ಒಳಗೊಂಡಿವೆ. ಎಐ ಸಾಮರ್ಥ್ಯಗಳು ಮತ್ತು ಅತ್ಯುತ್ತಮ ಕ್ಯಾಮೆರಾಗಳನ್ನು ಈ ಫೋನ್‍‌ಗಳು ಹೊಂದಿವೆ.
ಕಂಪನಿಯು ಗೂಗಲ್ ಪಿಕ್ಸೆಲ್ 8 ಅನ್ನು ಎರಡು ರೂಪಾಂತರಗಳಲ್ಲಿ ಬಿಡುಗಡೆ ಮಾಡಿದೆ. ಬೇಸ್ ವೇರಿಯಂಟ್ 8 ಜಿಬಿ + 128 ಜಿಬಿ ಸ್ಟೋರೇಜ್ ನೊಂದಿಗೆ ಬರುತ್ತದೆ ಮತ್ತು ಮೇಲಿನ ರೂಪಾಂತರವು 8 ಜಿಬಿ ರಾಮ್ ಮತ್ತು 256 ಜಿಬಿ ಸ್ಟೋರೇಜ್ ನೊಂದಿಗೆ ಬರುತ್ತದೆ. ಪಿಕ್ಸೆಲ್ 8 ಪ್ರೊ 12 ಜಿಬಿ ರ್ಯಾಮ್ನೊಂದಿಗೆ 25 ಜಿಬಿ ಮತ್ತು 512 ಜಿಬಿ ಸ್ಟೋರೇಜ್ ಆಯ್ಕೆಗಳನ್ನು ಪಡೆಯುಬಹುದು. ಪಿಕ್ಸೆಲ್ 8 ನಲ್ಲಿ, ಗ್ರಾಹಕರು 6.2-ಇಂಚಿನ ಆಕ್ಚುವಾ ಡಿಸ್ಪ್ಲೇಯನ್ನು 120 ಹೆರ್ಟ್ಜ್ ರಿಫ್ರೆಶ್ ರೇಟ್ ನೊಂದಿಗೆ ಪಡೆಯಬಹುದು. ಗೂಗಲ್ ಪಿಕ್ಸೆಲ್ 8 ಪ್ರೊನಲ್ಲಿ 6.7 ಇಂಚಿನ ಡಿಸ್ಪ್ಲೇ ನೀಡಿದೆ. ಇದರಲ್ಲಿ, ಬಳಕೆದಾರರು 120 ಹೆರ್ಟ್ಜ್ ರಿಫ್ರೆಶ್ ರೇಟ್ ಪಡೆಯುತ್ತಾರೆ.
ಪಿಕ್ಸೆಲ್ 8 ಡ್ಯುಯಲ್ ಕ್ಯಾಮೆರಾ ಸೆಟಪ್ ಹೊಂದಿದೆ.ಇದರಲ್ಲಿ ಪ್ರೈಮರಿ ಕ್ಯಾಮೆರಾ 50 ಮೆಗಾಪಿಕ್ಸೆಲ್ ಮತ್ತು ಸೆಕೆಂಡರಿ ಕ್ಯಾಮೆರಾ 12 ಮೆಗಾಪಿಕ್ಸೆಲ್ ಆಗಿದೆ. ಪಿಕ್ಸೆಲ್ 8 ಸೆಲ್ಫಿ ಮತ್ತು ವೀಡಿಯೊ ಕರೆಗಾಗಿ 10.5 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಹೊಂದಿದೆ.
ಪಿಕ್ಸೆಲ್ 8 ಪ್ರೊನಲ್ಲಿ, ಕಂಪನಿಯು 48 ಎಂಪಿ, 50 ಎಂಪಿ ಮತ್ತು 48 ಎಂಪಿ ಲೆನ್ಸ್ಗಳೊಂದಿಗೆ ಟ್ರಿಪಲ್ ಕ್ಯಾಮೆರಾವನ್ನು ನೀಡಿದೆ. ಪಿಕ್ಸೆಲ್ 8 ಪ್ರೊನಲ್ಲಿ, ಕಂಪನಿಯು 10.5 ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾವನ್ನು ನೀಡಿದೆ.
ಗೂಗಲ್‌ನ ಪಿಕ್ಸೆಲ್ 8 ಸ್ಮಾರ್ಟ್‌ಫೋನ್ ಬೆಲೆ 75,999 ರೂ. ಹಾಗೆಯೇ ಗೂಗಲ್ ಪಿಕ್ಸೆಲ್ 8 ಪ್ರೋ ಸ್ಮಾರ್ಟ್‌ಫೋನ್ ಬೆಲೆ 1,06,999 ಇದೆ. ಆ್ಯಪಲ್‌ ಫೋನ್, ಐಫೋನ್ 15 ಲಾಂಚ್ ಮಾಡಿದ ಬೆನ್ನಲ್ಲೇ ಗೂಗಲ್ ತನ್ನ ಪಿಕ್ಸೆಲ್ 8 ಸರಣಿ ಫೋನುಗಳನ್ನು ಲಾಂಚ್ ಮಾಡಿದೆ.
