ಬೆಂಗಳೂರು: ಕಂಠೀರವ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ವಿವೋ ಪ್ರೊ ಕಬಡ್ಡಿಲೀಗ್‌ 9ನೇ ಆವೃತ್ತಿಗೆ ಚಾಲನೆ ಸಿಕ್ಕಿದ್ದು ಮೊದಲ ದಿನ ನಡೆದ ಎರಡನೇ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ತಂಡ ತೆಲುಗು ಟೈಟಾನ್ಸ್‌ ವಿರುದ್ಧ 34-29 ಅಂಕಗಳ ಅಂತರದಲ್ಲಿ ಗೆದ್ದು ಭರ್ಜರಿಯಾಗಿ ಗೆಲುವು ಸಾಧಿಸಿದೆ.
ಮಹೇಂದರ್ ಸಿಂಗ್ ನಾಯಕತ್ವದಲ್ಲಿ ಕಣಕ್ಕಿಳಿದ ಬುಲ್ಸ್ ತಂಡ ಇಂದು ಸಾಂಗಿಕ ಪ್ರದರ್ಶನ ನೀಡಿತು. ನೀರಜ್ ನರ್ವಾಲ್ 7 ಅಂಕಗಳನ್ನು ಗಳಿಸಿದರೆ ವಿಕಾಸ್ ಖಂಡೋಲಾ 5 ಅಂಕಗಳನ್ನು ಗಳಿಸಿದರು.ಸೌರಬ್ ನಂದಾಲ್ ಡಿಫೆಂಡರ್ ಆಗಿ ನಾಲ್ಕು ಅಂಕಗಳನ್ನು ತಂಡದ ಪರವಾಗಿ ಗಳಿಸಿದರು.
ಎದುರಾಳಿ ಟೈಟನ್ಸ್ ತಂಡದ ಪರವಾಗಿ ವಿನಯ್ ಹಾಗೂ ರಜ್ನೀಶ್ ತಲಾ 7 ಅಂಕಗಳನ್ನು ತಂಡಕ್ಕೆ ನೀಡಿದರು. ಅಂತಿಮವಾಗಿ ಈ ಪಂದ್ಯವನ್ನು ಬೆಂಗಳೂರು ಬುಲ್ಸ್ ತಂಡ 34-29 ಅಂತರದಿಂದ ಗೆಲ್ಲುವಲ್ಲಿ ಯಶಸ್ವಿಯಾಯಿತು. ಈ ಮೂಲಕ ಬೆಂಗಳೂರು ಬುಲ್ಸ್ ತಂಡ ಗೆಲುವು ಸಾಧಿಸಿದೆ.
