ಬೆಂಗಳೂರು( ಅ.15): ರೈಡರ್ ಅರ್ಜುನ್ ದೇಶ್ವಾಲ್ ಅವರ ಅದ್ಭುತ ಆಟದ ಬಲದಿಂದ ಜೈಪುರ ಪಿಂಕ್ ಪ್ಯಾಂಥರ್ಸ್ ತಂಡ, ಇಲ್ಲಿನ ಶ್ರೀ ಕಂಠೀರವ ಒಳಾಂಗಣ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಪ್ರೊ ಕಬಡ್ಡಿ ಲೀಗ್ (ಪಿಕೆಎಲ್) ಸೀಸನ್ 9ರ ಎರಡನೇ ಪಂದ್ಯದಲ್ಲಿ ಹರಿಯಾಣ ಸ್ಟೀಲರ್ಸ್ ತಂಡವನ್ನು 44-31 ಅಂಕಗಳಿಂದ ಮಣಿಸಿತು.
ಜೈಪುರ ಪಾಲಿಗೆ ಇದು ಸತತ ಎರಡನೇ ಜಯವಾಗಿದ್ದು ಒಟ್ಟಾರೆ 11 ಅಂಕಗಳನ್ನು ಪಡೆದುಕೊಂಡಿದೆ. ಈ ಹಿಂದೆ ಎರಡು ಗೆಲುವು ಸಾಧಿಸಿದ್ದ ಹರಿಯಾಣ ತಂಡಕ್ಕೆ ಮೊದಲ ಸೋಲು ಎದುರಾಯಿತು.
ಜೈಪುರ ಪಿಂಕ್ ಪ್ಯಾಂಥರ್ಸ್ ತಂಡದ ಪರ ರೈಡರ್ ಅರ್ಜುನ್ ದೇಸ್ವಾಲ್ 14 ಅಂಕಗಳೊಂದಿಗೆ ಸೂಪರ್ 10 ಸಾಧನೆ ಮಾಡಿದರು. ಡಿಫೆಂಡರ್ ಸುನೀಲ್ ಕುಮಾರ್ 8ಅಂಕಗಳನ್ನು ತಂದುಕೊಟ್ಟರು.
ಪಿಕೆಎಲ್ 9: ಹರಿಯಾಣ ಸ್ಟೀಲರ್ಸ್ ವಿರುದ್ಧ ಜೈಪುರ ಪಿಂಕ್ ಪ್ಯಾಂಥರ್ಸ್ ಗೆ ಅರ್ಜುನ್ ದೇಶ್ವಾಲ್ ಜಯ