ದುಬೈ: ವಿಶ್ವ ಪ್ಯಾರಾ ಪವರ್ ಲಿಫ್ಟಿಂಗ್ ಚಾಂಪಿಯನ್ ಶಿಪ್ ನಲ್ಲಿ ಹಿರಿಯ ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದ ಭಾರತದ ಮೊದಲ ಕ್ರೀಡಾಪಟು ಎಂಬ ಹೆಗ್ಗಳಿಕೆಗೆ ಪರಮ್ ಜೀತ್ ಪಾತ್ರರಾಗಿದ್ದಾರೆ. ಎರಡು ವರ್ಷಗಳ ಹಿಂದೆ ಕಂಚಿನ ಪದಕ ಗೆದ್ದಿದ್ದರು. ಈಗ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ್ದಾರೆ.
ಶಕ್ತಿ ಮತ್ತು ದೃಢತೆಯ ಪ್ರದರ್ಶನದಲ್ಲಿ, ಪಂಜಾಬ್ ನ 31 ವರ್ಷದ ಕ್ರೀಡಾಪಟು ಪರಮ್ ಜಿತ್ ಅವರು 150ಕೆಜಿ ಮತ್ತು 157 ಕೆಜಿ ಸೇರಿ ಒಟ್ಟು 462 ಕೆಜಿಯನ್ನು ಯಶಸ್ವಿಯಾಗಿ ಎತ್ತಿದರು. ಇದರ ಆಧಾರದ ಮೇಲೆ ಅವರು ಕೊಲಂಬಿಯಾದ ಪ್ರತಿಸ್ಪರ್ಧಿ ಮೊರೇಲ್ಸ್ ಗೊಲ್ಜಾಜೆಲ್ ಅವರನ್ನು ಸೋಲಿಸಿ ಚಿನ್ನ ಗೆದ್ದರು.
ಪ್ಯಾರಿಸ್ ಪ್ಯಾರಾಲಿಂಪಿಕ್ 2024ರ ಅರ್ಹತಾ ಶ್ರೇಯಾಂಕದಲ್ಲಿ ಪರಮ್ ಜೀತ್ ಅವರು ಅವರು ಆರನೇ ಸ್ಥಾನದಲ್ಲಿದ್ದಾರೆ. ಜೂನ್ 2024ರ ವೇಳೆಗೆ ರ್ಶರೇಯಾಂಕದಲ್ಲಿ ಅಗ್ರ ಎಂಟು ಆಟಗಾರರು ಪ್ಯಾರಿಸ್‍ನ 2024ರ ಪ್ಯಾರಾಲಿಂಪಿಕ್ ಕ್ರೀಡಾಕೂಟಕ್ಕೆ ಅರ್ಹತೆ ಪಡೆಯುತ್ತಾರೆ.
