ಮುಂಬೈ: ಏಕೈಕ ಟೆಸ್ಟ್ ಪಂದ್ಯದಲ್ಲಿ ಭಾರತ ಮಹಿಳಾ ಕ್ರಿಕೆಟ್ ತಂಡವು ಆಸ್ಟ್ರೇಲಿಯಾದ ಮಹಿಳಾ ತಂಡವನ್ನು 8 ವಿಕೆಟ್ಗಳಿಂದ ಸೋಲಿಸುವ ಮೂಲಕ ಗೆಲುವಿನ ಕೇಕೆ ಹಾಕಿದೆ.
ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಭಾರತಕ್ಕೆ 75 ರನ್ಗಳ ಗುರಿ ನೀಡಲಾಗಿತ್ತು. ಈ ರನ್ ನ್ನು ಭಾರತ ಮಹಿಳಾ ತಂಡವು 19ನೇ ಓವರ್ನಲ್ಲಿ ಸಾಧಿಸಿ ಗೆಲುವನ್ನು ಸಾಧಿಸಿತ್ತು. ಆಸ್ಟ್ರೇಲಿಯಾ ಮೊದಲ ಇನ್ನಿಂಗ್ಸ್ನಲ್ಲಿ ಕೇವಲ 219 ರನ್ ಮತ್ತು ಎರಡನೇ ಇನ್ನಿಂಗ್ಸ್ನಲ್ಲಿ 261 ರನ್ ಗಳಿಸಿತು. ಈ ಪಂದ್ಯದಲ್ಲಿ ಸ್ನೇಹ್ ರಾಣಾ 7 ವಿಕೆಟ್ ಪಡೆದಿದ್ದಾರೆ. ಸ್ನೇಹ ರಾಣಾ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.
ಪಂದ್ಯದ ಕೊನೆಯ ದಿನ ಭಾರತ ಬ್ಯಾಟ್ ಮತ್ತು ಬಾಲ್ ಎರಡರಲ್ಲೂ ಅದ್ಭುತ ಪ್ರದರ್ಶನ ನೀಡಿದೆ. ಭಾರತೀಯ ಬೌಲರ್ಗಳು ಬೆಳಿಗ್ಗೆ 28 ರನ್ಗಳಿಗೆ ಐದು ಆಸ್ಟ್ರೇಲಿಯಾದ ವಿಕೆಟ್ಗಳನ್ನು ಕಬಳಿಸಿದರು, ಇದರಿಂದಾಗಿ ಪ್ರವಾಸಿ ತಂಡವು ಎರಡನೇ ಇನ್ನಿಂಗ್ಸ್ನಲ್ಲಿ 261 ರನ್ಗಳಿಗೆ ಕುಸಿಯಿತು. 75 ರನ್ಗಳ ಗುರಿಯನ್ನು ಪಡೆದ ಭಾರತ, 19ನೇ ಓವರ್ನಲ್ಲಿ ಎರಡು ವಿಕೆಟ್ಗೆ 75 ರನ್ ಗಳಿಸುವ ಮೂಲಕ ಅದನ್ನು ಸಾಧಿಸಿತು.