“ಆರ್‌ಸಿಬಿ ರಾಂಗ್ ಪಾಸ್​ವರ್ಡ್” : ಅರ್ಥ ಆಯ್ತಾ ಅಂತ ಕೇಳ್ತಿದ್ದಾರೆ ಅಪ್ಪು ಪತ್ನಿ

ಬೆಂಗಳೂರು: ಪವರ್​ಸ್ಟಾರ್ ಪುನೀತ್ ರಾಜ್​ಕುಮಾರ್ ಅವರ ಪತ್ನಿ ಅಶ್ವಿನಿ ಪುನೀತ್ ರಾಜ್​ಕುಮಾರ್ ಅವರ ಮೂಲಕವೂ ಆರ್​ಸಿಬಿ ಈ ಒಂದು ಪ್ರಮೋಷನ್ ಕೆಲಸ ಮಾಡಿದೆ.

ಹೊಸದಾಗಿ ಅಶ್ವಿನಿ ಪುನೀತ್ ರಾಜ್​ಕುಮಾರ್ ಅವರ ವಿಡಿಯೋ ಒಂದನ್ನು ಆರ್​ಸಿಬಿ ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್ ಮಾಡಿದೆ. ಅಶ್ವಿನಿ ಪುನೀತ್ ರಾಜಕುಮಾರ್ ಅವರು ಎನ್ ಮಾಡ್ತಿದ್ದಾರೆ ಅರ್ಥ ಆಯ್ತಾ? ಎಂದು ಕ್ಯಾಪ್ಶನ್ ಹಾಕಿ ಆರ್​​ಸಿಬಿ ಪೋಸ್ಟ್ ಶೇರ್ ಮಾಡಿದ್ದಾರೆ. ಈ ಪೋಸ್ಟ್​ನಲ್ಲಿ ಅಶ್ವಿನಿ ಪುನೀತ್ ರಾಜ್​ಕುಮಾರ್ ಮೂಲಕ ಆರ್​ಸಿಬಿ ಯ ಬಾಂಗಲೋರ್ ಬೆಂಗಳೂರು ಆಗಿ ಬದಲಾಗುವ ಸೂಚನೆ ಕೊಟ್ಟಿದ್ದಾರೆ.

ಅಶ್ವಿನಿ ಪುನೀತ್​ರಾಜ್​ಕುಮಾರ್ ಅವರು ರಾಯಲ್ ಚಾಲೆಂಜರ್ಸ್ ಬಾಂಗಲೋರ್ ಎಂದು ಲ್ಯಾಪ್​​ಟಾಪ್​ನಲ್ಲಿ ಪಾಸ್​ವರ್ಡ್ ಹಾಕುತ್ತಾರೆ. ಆದರೆ ಅದು ರಾಂಗ್ ಆಗಿ ತೋರಿಸುತ್ತದೆ. ಅಲ್ಲಿ ಕೆಳಗಡೆ ಹೊಸ ಪಾಸ್​ವರ್ಡ್ ಹಳೆಯ ಪಾಸ್​ವರ್ಡ್​ನಂತೆಯೇ ಇರಬಾರದು ಎನ್ನುವ ಒಂದು ಸಲಹೆ ಪಾಪ್​ ಅಪ್ ಆಗುತ್ತದೆ.

ನಂತರ ಅಶ್ಚಿನಿ ಅವರು ಒಮ್ಮೆ ಟೈಪಿಂಗ್ ನಿಲ್ಲಿಸಿ ಸುತ್ತಲೂ ನೋಡುತ್ತಾರೆ. ಆಗ ಅಪ್ಪು ಗ್ರೌಂಡ್​ನಲ್ಲಿ ಆರ್​ಸಿಬಿ ಫ್ಲ್ಯಾಗ್ ಹಿಡಿದು ಹೋಗುವ ಹಳೆಯ ಫೋಟೋ ಫ್ರೇಮ್ ಕಾಣಿಸುತ್ತದೆ. ಇದನ್ನು ನೋಡಿ ಅಶ್ವಿನಿ ಅವರು ಮುಗುಳ್ನಗುತ್ತಾರೆ.

ನಂತರ ಅಶ್ವಿನಿ ಪುನೀತ್ ರಾಜ್​ಕುಮಾರ್ ಅವರು ಬಾಂಗಲೋರ್ ಎನ್ನುವ ಸ್ಪೆಲ್ಲಿಂಗ್​ನ್ನು ಬ್ಯಾಕ್​ಸ್ಪೇಸ್ ಕೊಟ್ಟು ಅಳಿಸುತ್ತಾರೆ. ಆ ನಂತರ ಅವರು ಅರ್ಥ ಆಯ್ತಾ ಎಂದು ಸ್ಮೈಲ್ ಮಾಡುತ್ತಾರೆ. ಇದನ್ನು ನೋಡಿ ಆರ್​ಸಿಬಿ ಅಭಿಮಾನಿಗಳು ಅರ್ಥ ಮಾಡಿಕೊಂಡಿದ್ದಾರೆ.

ಈ ಮೂಲಕ ಅಶ್ವಿನಿ ಪುನೀತ್ ರಾಜ್​ಕುಮಾರ್ ಅವರು ಬಾಂಗಲೋರ್ ಬೆಂಗಳೂರು ಆಗಿ ಬದಲಾಗುವ ಹಿಂಟ್ ಕೊಟ್ಟಿದ್ದಾರೆ. ಇನ್ನು ಕಳೆದ ದಿನ ಇದರಂತೆ ರಿಷಭ್‌ಶೆಟ್ಟಿ ಕೂಡ ಹಿಂಟ್‌ ಕೊಟ್ಟಿದ್ದಾರೆ.

ಅಶ್ವಿನಿ ಪುನೀತ್ ರಾಜಕುಮಾರ್ ಅವರು ಎನ್ ಮಾಡ್ತಿದ್ದಾರೆ ಅರ್ಥ ಆಯ್ತಾ?

Any idea what Ashwini Puneeth Rajkumar is doing here?

Find out more at the RCB Unbox event on 19th March. Last few tickets remaining!@Ashwini_PRK #ArthaAytha #RCBUnbox #PlayBold #ನಮ್ಮRCB pic.twitter.com/AmKTYC8mUJ

— Royal Challengers Bengaluru (@RCBTweets) March 14, 2024