ರಾಜ್ ಕೋಟ್: ಕಪ್ತಾನ ವಿರಾಟ್ ಕೊಹ್ಲಿ ಮತ್ತು ರವೀಂದ್ರ ಜಡೇಜಾ ಬಾರಿಸಿದ ಶತಕಗಳ ನೆರವಿನಿಂದ ಬೃಹತ್ ಮೊತ್ತ ಪೇರಿಸಿದ ಭಾರತ ಮೊದಲ ಇನ್ನಿಂಗ್ಸ್ ನಲ್ಲಿ 9 ವಿಕೆಟಿಗೆ 649 ರನ್ ಪೇರಿಸಿ ಡಿಕ್ಲೇರ್ ಮಾಡಿಕೊಂಡಿದೆ.
ಕೊಹ್ಲಿ ಮತ್ತು ಜಡೇಜಾ ಶತಕದ ಹೊರತಾಗಿ ರಿಷಬ್ ಪಂತ್ ಅವರು 92 ರನ್ ದೇಣೀಗೆ ನೀಡಿದರು. ಎರಡನೇ ದಿನದ ಆರಂಭದಲ್ಲಿ ಕೊಹ್ಲಿ ಮತ್ತು ಪಂತ್ ಶತಕದ ಜತೆಯಾಟ ನಡೆಸಿದರು. ಕೊಹ್ಲಿ ಟೆಸ್ಟ್ ನಲ್ಲಿ 24ನೇ ಶತಕ ಬಾರಿಸಿದರು.
ಅಂತ್ಯದಲ್ಲಿ ರವೀಂದ್ರ ಜಡೇಜಾ ಅವರು ಟೆಸ್ಟ್ ಕ್ರಿಕೆಟಿನ ಚೊಚ್ಚಲ ಶತಕ ಬಾರಿಸಿದ ಬಳಿಕ ಇನ್ನಿಂಗ್ಸ್ ಡಿಕ್ಲೇರ್ ಮಾಡಲಾಯಿತು. ಜಡೇಜಾ 132 ಎಸೆತಗಳಲ್ಲಿ ಶತಕ ಪೂರೈಸಿದರು.
