ಎರಡನೇ ಪಂದ್ಯದಲ್ಲೂ ಸೋಲುಂಡ ಭಾರತದ ಮಹಿಳೆಯರು

ಅಕ್ಲೆಂಡ್: ಎರಡನೇ ಟಿ20 ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಸೋಲುಂಡ ಭಾರತ ಮಹಿಳಾ ತಂಡವು ಒಂದು ಪಂದ್ಯ ಬಾಕಿ ಇರುವಂತಹ ಸರಣಿಯನ್ನು ಕಳಕೊಂಡಿದೆ.

ನ್ಯೂಜಿಲೆಂಡ್ ಸಾಮಾನ್ಯ ಮೊತ್ತವನ್ನು ಬೆನ್ನಟ್ಟಿ ಆರು ವಿಕೆಟ್ ಕಳಕೊಂಡು ಕೊನೆಯ ಎಸೆತದಲ್ಲಿ ಗೆಲುವು ದಾಖಲಿಸಿಕೊಂಡಿತು.

ಜೆಮಿಮಾ ರೊಡ್ರಿಗಸ್(72) ಮತ್ತು ಸ್ಮೃತಿ ಮಂದನಾ(36) ಉತ್ತಮ ಜತೆಯಾಟ ನಡೆಸಿ ತಂಡವನ್ನು ಉತ್ತಮ ಮೊತ್ತದತ್ತ ಕೊಂಡೊಯ್ಯಲು ಪ್ರಯತ್ನಿಸಿದರು. ಆದರೆ ಮಧ್ಯಮ ಸರದಿಯಲ್ಲಿ ಕುಸಿತಕ್ಕೆ ಒಳಗಾಗಿ 135 ರನ್ ಗಳಿಸಲಷ್ಟೇ ಶಕ್ತವಾಯಿತು.

ಕಿವೀಸ್ ಉತ್ತಮ ಆರಂಭ ಪಡೆದ ಬಳಿಕ ಕುಸಿತಕ್ಕೆ ಒಳಗಾದರೂ ಸೂಜಿ ಬೇಟ್ಸ್ 62 ರನತ್ ಮತ್ತು ಆಮಿ ಸ್ಯಾಟರ್ ವೈಟ್ 23 ರನ್ ಮಾಡಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.