ಸರಗೂರು: ಬ್ಯೂಟಿ ಪಾರ್ಲರ್ ಗೆ ಹೋಗಿ ಬರುತ್ತೇನೆಂದು ಹೇಳಿ ಹೋದ ಯುವತಿ ಮರಳಿ ಮನೆಗೆ ಬಾರದೆ ನಾಪತ್ತೆಯಾಗಿರುವ ಘಟನೆ ಇಲ್ಲಿಗೆ ಸಮೀಪದ ಬಿ ಮಟಕೆರೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬಿ ಮಟಕೆರೆ ಕಾಲೋನಿಯಲ್ಲಿ ನಡೆದಿದೆ.
ಬಿ ಮಟಕೆರೆ ಕಾಲೋನಿಯ ನಿವಾಸಿ ಕಿರುಮಾರ ಎಂಬುವರ ಪುತ್ರಿ ಕವಿತಾ(26) ನಾಪತ್ತೆಯಾದ ಯುವತಿ. ಈಕೆ ನವೆಂಬರ್ 7ರಂದು ಬೆಳಿಗ್ಗೆ ಬ್ಯೂಟಿ ಪಾರ್ಲರ್ ಗೆ ಹೋಗಿ ಬರುತ್ತೇನೆಂದು ಹೇಳಿ ಹೋದವಳು ಇದುವರೆಗೂ ವಾಪಸ್ ಬಂದಿರುವುದಿಲ್ಲ ಎಂದು ತಂದೆ ಕಿರುಮಾರ ಸರಗೂರು ಪೊಲೀಸ್ ಠಾಣೆಗೆ ದೂರು ದಾಖಲಿಸಿದ್ದಾರೆ.
ನಾಪತ್ತೆಯಾದ ಯುವತಿ ಕವಿತಾ ದುಂಡು ಮುಖ ಹೊಂದಿದ್ದು, ಕೆಂಪು ಬಣ್ಣ, ಸಾಧಾರಣ ಮೈಕಟ್ಟು, ಎತ್ತರ 4.5 ಅಡಿ, ಮನೆಯಿಂದ ಹೊರ ಹೋದಾಗ ನೇರಳೆ ಬಣ್ಣದ ಚೂಡಿದಾರ್ ಧರಿಸಿದ್ದು, ಈ ಕನ್ನಡ ಭಾಷೆ ಹಾಗೂ ಬೆಟ್ಟಕುರುಬರ ಭಾಷೆ ಮಾತನಾಡುತ್ತಾಳೆ.
ಈಕೆಯ ಬಗ್ಗೆ ಮಾಹಿತಿ ತಿಳಿದಲ್ಲಿ ಸರಗೂರು ಪೊಲೀಸ್ ಠಾಣೆ 08228-265542, ಉಪನಿರೀಕ್ಷಕರು ಸರಗೂರು ಮೊ:9480805064. ವೃತ್ತ ನಿರೀಕ್ಷಕರು ಸರಗೂರು ಮೊ :9480805037ನ್ನು ಸಂಪರ್ಕಿಸುವಂತೆ ಸರಗೂರು ಪೊಲೀಸ್ ಠಾಣೆಯ ಠಾಣಾಧಿಕಾರಿಗಳು ತಿಳಿಸಿದ್ದಾರೆ.
