ಮೈಸೂರು: ಮೈಸೂರಿನ ವಿವಿ ಮೊಹಲ್ಲಾದ ಲಾಯಲ್ ವರ್ಲ್ಡ್ ಎದುರುಗಡೆ ಇರುವ ಬೆಂಗಳೂರಿನ ಹೆಮ್ಮೆಯ ಚಿಕ್ಪೇಟ್ ದೊನ್ನೆ ಬಿರಿಯಾನಿ ಹೋಟೆಲ್ ಅನ್ನು ನಟ ಡಾಲಿ ಧನಂಜಯ್ ಶುಕ್ರವಾರ ಉದ್ಘಾಟಿಸಿದರು.
ಬಳಿಕ ಮಾತನಾಡಿದ ಡಾಲಿ ಧನಂಜಯ್, ಚಿಕ್ಪೇಟ್ ದೊನ್ನೆ ಬಿರಿಯಾನಿ ಫೇಮಸ್ ಆಗಿದ್ದು, ಚಿಕ್ಕಪೇಟೆಗೆ ದೊಣ್ಣೆ ಬಿರಿಯಾನಿ ತಿನ್ನಲು ಹೋಗುವವರಿಗೆ ಇದು ತುಂಬಾ ಒಳ್ಳೆಯದು. ಇದರ ಹೊರತಾಗಿ ನಾನು ಈ ಹೋಟೆಲ್ಗೆ ಪ್ರವೇಶಿಸಿದಾಗ ಕರ್ನಾಟಕದ ದಂತಕಥೆಗಳ ಫೋಟೋಗಳನ್ನು ನೋಡಿ ನನಗೆ ಆಶ್ಚರ್ಯವಾಯಿತು ಮತ್ತು ಸಂತೋಷವಾಯಿತು. ರುಚಿ ಕೂಡ ತುಂಬಾ ಚೆನ್ನಾಗಿದೆ ಎಂದರು.
ಮೈಸೂರಿನ ಚಿಕ್ಕಪೇಟೆಯ ದೊನ್ನೆ ಬಿರಿಯಾನಿಯ ಪಾಲುದಾರರಲ್ಲಿ ಒಬ್ಬರಾದ ಅಭಿಷೇಕ್ ಮಾತನಾಡಿ “ಚಿಕ್ಪೆಟ್ ದೊನ್ನೆ ಬಿರಿಯಾನಿಯು ಬಿರಿಯಾನಿ ಪ್ರಿಯರನ್ನು ಎಂದಿಗೂ ನಿರಾಶೆಗೊಳಿಸಲಿಲ್ಲ. ಚಿಕ್ಕಪೇಟೆಯ ನಮ್ಮ ಪ್ರತಿಷ್ಠಿತ ಮಳಿಗೆಗಳಲ್ಲಿ ಬಿರಿಯಾನಿ ಸಾಂಪ್ರದಾಯಿಕ ಪಾಕವಿಧಾನಗಳು, ಕೈಯಿಂದ ಆಡಿಸಿದ ಮಸಾಲೆಗಳು, ಎಚ್ಚರಿಕೆಯಿಂದ ಆರಿಸಿದ ಮಾಂಸ, ನಾಟಿ ಶೈಲಿಯ ಅಡುಗೆ ಮತ್ತು ಉತ್ತಮವಾಗಿ ತಯಾರಿಸುತ್ತಿರುವುದಾಗಿ ಹೇಳಿದರು.
ಈ ವೇಳೆ ಪಾಲುದಾರರಾದ ಸುಪ್ರಿತ್ ಮತ್ತು ಮಹೇಶ್, ಶಾಸಕ ನಾಗೇಂದ್ರ, ಕಾರ್ಪೊರೇಟರ್ ಭಾಗ್ಯ ಮಾದೇಶ್, ಮೈಸೂರು ಜಿಮ್ ಮತ್ತು ಫಿಟ್ನೆಸ್ ಮಾಲೀಕರ ಸಂಘದ ಸಂಸ್ಥಾಪಕ ಎಂ.ಎಸ್.ಹರ್ಷ ಉಪಸ್ಥಿತರಿದ್ದರು.