ಮೈಸೂರು: ‘ಭಾರತೀಯ ಚಿತ್ರ ಸಾಧನ‘ ಮತ್ತು ‘ಮೈಸೂರು ಸಿನಿಮಾ ಸೊಸೈಟಿ’ಗಳ ಸಹಯೋಗದೊಂದಿಗ ನಗರದಲ್ಲಿ 2024ರ ಫೆಬ್ರವರಿ 3 ಮತ್ತು 4 ರಂದು “ಪರಿದೃಶ್ಯ “ ಅಂತರಾಷ್ಟ್ರೀಯ ಕಿರುಚಿತ್ರ ಮತ್ತು ಸಾಕ್ಷ್ಯಚಿತ್ರೋತ್ಸವವನ್ನು ಆಯೋಜಿಸಲಾಗಿದೆ.
ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದ ಮೈಸೂರು ಸಿನಿಮಾ ಸೊಸೈಟಿ ಡಾ. ಚಂದ್ರಶೇಖರ್ ಜಿಆರ್, ಸಂಯೋಜಕ ಹರೀಶ್, ಸಹ ಸಂಯೋಜಕಿ ಪದ್ಮಾವತಿ ಭಟ್, ಕಾರ್ಯಕ್ರಮ ಸಂಯೋಜಕ ಚೇತನ್, ವಿದ್ಯಾರ್ಥಿ ಮತ್ತು ವೃತ್ತಿಪರ ವಿಭಾಗಗಳೆರಡರಲ್ಲೂ ಈ ಅಂತರಾಷ್ಟ್ರೀಯ ಕಿರುಚಿತ್ರ ಮತ್ತು ಸಾಕ್ಷ್ಯಚಿತ್ರೋತ್ಸವ ನಡೆಯಲಿದೆ ಎಂದು ತಿಳಿಸಿದರು.
2022ರ ನಂತರ ಚಿತ್ರೀಕರಣಗೊಂಡ ಕಿರುಚಿತ್ರಗಳು ಮತ್ತು ಸಾಕ್ಷ್ಯಚಿತ್ರಗಳು ಈ ಸ್ಪರ್ಧೆಯಲ್ಲಿ ಭಾಗವಹಿಸಬಹುದು. ಈ ಸ್ಪರ್ಧೆಯಲ್ಲಿ ಅತ್ಯುತ್ತಮ ಕಿರುಚಿತ್ರ ,ಅತ್ಯುತ್ತಮ ನಿರ್ದೇಶಕ ,ಅತ್ಯುತ್ತಮ ನಟ, ಅತ್ಯುತ್ತಮ ನಟಿ , ಅತ್ಯುತ್ತಮ ಛಾಯಾಚಿತ್ರ, ಅತ್ಯುತ್ತಮ ಚಿತ್ರಕಥೆ , ಅತ್ಯುತ್ತಮ ಕಥೆ , ಅತ್ಯುತ್ತಮ ಧ್ವನಿ ಸಂಯೋಜನೆ ಹಾಗೂ ಇನ್ನಿತರ ವಿಭಾಗಗಳಲ್ಲಿ ಪ್ರಶಸ್ತಿ ನೀಡಲಾಗುವುದು.
ಚಿತ್ರಗಳನ್ನು ಸಲ್ಲಿಸಲು ಕೊನೆಯ ದಿನಾಂಕ ಡಿಸೆಂಬರ್ 15, 2023. ಚಿತ್ರಗಳನ್ನು https://filmfreeway.com/paridrishya ಈ ವಿಳಾಸಕ್ಕೆ ಅಪ್ಲೋಡ್ ಮಾಡಬಹುದು. ಹೆಚ್ಚಿನ ವಿವರಗಳಿಗೆ ಸಂಪರ್ಕಿಸಿ : https://paridrishyafilimfest.com ದೂರವಾಣಿ ಸಂಖ್ಯೆ :9980596824