ಮತ ಚಲಾಯಿಸಿ ಹಿಂತಿರುಗುವಾಗ ಮೃತಪಟ್ಟ ಮತದಾರ

ಮಂಡ್ಯ: ಮತ ಚಲಾಯಿಸಿ ಮನೆಗೆ ಹೋದ ವ್ಯಕ್ತಿ ಮೃತಪಟ್ಟಿರುವ ಘಟನೆ ಪಾಂಡವಪುರ ತಾಲೂಕಿನ ವಡ್ಡರಹಳ್ಳಿ ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ತಿಮ್ಮೇಗೌಡ(55) ಮೃತ ವ್ಯಕ್ತಿ. ಈ ಮೊದಲೇ ಆರೋಗ್ಯ ಸಮಸ್ಯೆಯಿಂದ ಬಳುತ್ತಿದ್ದ ತಿಮ್ಮೇಗೌಡನನ್ನು ಮತದಾನ ಮಾಡಲು ಸಹಾಯಕರು ವ್ಹೀಲ್ ಚೇರ್ ಮೂಲಕ ಕರೆತಂದು ಮತ ಹಾಕಿಸಿ ಮನೆಗೆ ಕರೆದೊಯ್ದರು.

ಬಿಸಿಲಿನಿಂದ ಬಸವಳಿದ ತಿಮ್ಮೇಗೌಡ ಮನೆಗೆ ಹೋಗುತ್ತಿದ್ದಂತೆ ತಿಮ್ಮೇಗೌಡ ಹೃದಯಾಘಾತದಿಂದ ಮೃತಪಟ್ಟಿದ್ದಾನೆ ಎಂದು ಹೇಳಲಾಗಿದೆ.