ಮೈಸೂರು: ಪ್ರಸಿದ್ದ ಸಮಾಜಿಕ ಜಾಲಾತಾಣ ಇನ್ ಸ್ಟಾಗ್ರಾಮ್ ನಲ್ಲಿ ಯದುವೀರ್ ಪತ್ನಿ ತ್ರಿಷಿಕಾ ಒಡೆಯರ್ ಅವರ ಹೆಸರಿನಲ್ಲಿ ನಕಲಿ ಅಕೌಂಟ್ ಸೃಷ್ಟಿಯಾಗಿದ್ದು, ಈ ನಕಲಿ ಅಕೌಂಟ್ ನನ್ನ ಹೆಂಡತಿಯದಲ್ಲ ಎಂದು ಯದೂವೀರ್ ಬಳಕೆದಾರರಿಗೆ ಎಚ್ಚರಿಕೆ ನೀಡಿದ್ದಾರೆ.
ಯದೂವೀರ್ ಧರ್ಮಪತ್ನಿ ತ್ರಿಷಿಕಾ ಒಡೆಯರ್ ಹೆಸರಿನಲ್ಲಿ ಪ್ರಸಿದ್ದ ಸಮಾಜಿಕ ಜಾಲಾತಾಣವಾದ ಇನ್ ಸ್ಟಾ ಗ್ರಾಮ್ ನಲ್ಲಿ ತ್ರಿಷಿಕಾ ಒಡೆಯರ್ 246 ಎಂಬ ನಕಲಿ ಅಕೌಂಟ್ ಸೃಷ್ಟಿಯಾಗಿದ್ದು, ಇದಕ್ಕೆ ತ್ರಿಷಿಕಾ ಅವರ ಫೋಟೋವನ್ನು ಸಹ ಹಾಕಲಾಗಿದೆ.
ಈ ಬಗ್ಗೆ ಯದೂವೀರ್ ಇನ್ ಸ್ಟಾಗ್ರಾಮ್ ನಲ್ಲಿ ನಕಲಿ ಅಕೌಂಟ್ ಇರುವ ಬಗ್ಗೆ ತಿಳಿದು ಆ ಅಕೌಂಟ್ ನ ಫೋಟೊ ತೆಗೆದು ತಮ್ಮ ಇನ್ ಸ್ಟಾಗ್ರಾಮ್ ಗೆ ಹಾಕಿ, ಈ ಅಕೌಂಟ್ ನಕಲಿ ಅಕೌಂಟ್ ಆಗಿದ್ದು, ಇದನ್ನು ನಾನಾಗಲಿ ನನ್ನ ಹೆಂಡತಿಯಾಗಲಿ ಬಳಕೆ ಮಾಡುತ್ತಿಲ್ಲ. ಈ ನಕಲಿ ಅಕೌಂಟ್ ನಿಂದ ಯಾವುದೇ ಫೋಟೋ ಕಮೆಂಟ್ ಬಂದರೆ ಅದು ನಾವು ಮಾಡಿದಲ್ಲ. ಈ ನಕಲಿ ಅಕೌಂಟ್ ಗೂ ನಮಗೂ ಯಾವುದೇ ಸಂಬಂದವಿಲ್ಲ ಎಂದು ಬಳಕೆದಾರರಿಗೆ ಈ ನಕಲಿ ಅಕೌಂಟ್ ಬಗ್ಗೆ ಎಚ್ಚರಿಕೆ ನೀಡಿದ್ದಾರೆ.