ಶಾರ್ಟ್ ಸೆರ್ಕ್ಯೂಟ್ ನಿಂದ ಸ್ಟೆಬಿಲೈಝರ್ ಸ್ಪೋಟಗೊಂಡ ಘಟನೆ ಇಂದುಬೆಳಿಗ್ಗಿನ ಜಾವ ನಡೆದಿದೆ.
ಈ ಘಟನೆಯಲ್ಲಿ ಶರತ್ ಭೂಪಾಳಂ(43) ಮೃತಪಟ್ಟಿದ್ದಾರೆ.
ದಿಡೀರ್ ಅಂತ ಬೆಂಕಿ ಕಾಣಿಸಿಕೊಂಡು ಮನೆಯಲ್ಲಿ ಶಾರ್ಟ್ ಸೆರ್ಕ್ಯೂಟ್ ಆಗಿದೆ. ಮನೆ ತುಂಬ ಹೊಗೆ ಆವರಿಸಿಕೊಂಡಿದೆ. 12 ವರ್ಷದ ಮಗನನ್ನ ರಕ್ಷಣೆಮಾಡಿ ಶರತ್ ಮತ್ತೆ ಮನೆ ಒಳಗೆ ನುಗ್ಗಿದ್ದಾರೆ.
ಹೊಗೆ ಆವರಿಸಿಕೊಂಡ ಪರಿಣಾಮ ಉಸಿರು ಕಟ್ಟಿ ಅಲ್ಲೇ ಬಿದ್ದಿದ್ದಾರೆ. ಶಾರ್ಟ್ ಸೆರ್ಕ್ಯೂಟ್ ನಿಂದ ಸ್ಟಬ್ಲೈಜರ್ ನಿಂದ ಆದ ಸಣ್ಣ ಅನಾಹುತದಿಂದ ಇಡೀ ಮನೆ ಹೊತ್ತಿ ಉರಿದಿದೆ. ಮನೆಯಲ್ಲಿ ಆವರಿಸಿದ ಬೆಂಕಿ ಶರತ್ ರವರನ್ನೂ ಅರ್ಧಂಬರ್ಧ ಸುಟ್ಟಿದೆ.
ಅರೆಬೆಂದ ಸ್ಥಿತಿಯಲ್ಲಿ ಶರತ್ ಅಗ್ನಿಶಾಮಕ ದಳದವರಿಗೆ ಪತ್ತೆಯಾಗಿದ್ದಾರೆ. ನಗರದ ಕುವೆಂಪು ರಸ್ತೆಯಲ್ಲಿರುವ ಪಿಎಸ್ ಆರ್ ಬಳಿಯ ಭೂಪಾಳಂರವರ ಮನೆಯಲ್ಲಿ ಈ ಘಟನೆ ನಡೆದಿದೆ.
ಕಳೆದ ಒಂದುವಾರದ ಹಿಂದೆ ವಿದ್ಯಾನಗರದಲ್ಲಿ ಗುಂಡು ಹಾರಿಸಿ ಹೊಸ ವರ್ಷಾಚರಣೆ ವೇಳೆ ಇಬ್ಬರು ಬಲಿಯಾಗಿದ್ದರು. ಎರಡನೇ ಭಾನುವಾರ ಇಂದು ಇದು ಎರಡನೇ ದುರಂತ ಸಾವಾಗಿದೆ.