ಶಿವಮೊಗ್ಗ: ಮಾಜಿ ಸಚಿವ ಕೆ.ಎಸ್.ಈಶ್ವರಪ್ಪರಿಗೆ ಮತ್ತೇ ಬೆದರಿಕೆ ಪತ್ರಬಂದಿದೆ. ಅನಾಮಧೇಯ ಪತ್ರದ ಮೂಲಕ ಮಾಜಿ ಸಚಿವರಿಗೆ ಬೆದರಿಕೆ ಹಾಕಲಾಗಿದೆ. ಮುಸ್ಲಿಂ ಗುಂಡಾಗಳೇ ಎಂದು ಹೇಳಿದ್ದಕ್ಕೆ ಪತ್ರದ ಮೂಲಕ ಬೆದರಿಕೆ ಬಂದಿದೆ.
ಈಶ್ವರಪ್ಪ ಮನೆಗೆ ಬೆದರಿಕೆ ಪತ್ರ ಬಂದ ಬೆನ್ನಲ್ಲೇ ಶಿವಮೊಗ್ಗ ಎಸ್ಪಿಗೆ ದೂರು ನೀಡಲಾಗಿದೆ. ಅನಾಮಧೇಯ ಬೆದರಿಕೆ ಪತ್ರ ತನಿಖೆ ಮಾಡಿ, ಪರಿಶೀಲಿಸಿ ಸೂಕ್ತ ಕ್ರಮಕೈಗೊಳ್ಳುವಂತೆ ಮಾಜಿ ಸಚಿವರು ದೂರು ನೀಡಿದ್ದಾರೆ.
ಮಾಜಿ ಸಚಿವರ ಆಪ್ತ ಸಹಾಯಕರಿಂದ ಶಿವಮೊಗ್ಗದ ಎಸ್ಪಿಗೆ ಪತ್ರದ ಮೂಲದ ದೂರು ನೀಡಲಾಗಿದೆ. ಶಿವಮೊಗ್ಗದ ಮಲ್ಲೇಶ್ವರ ನಗರದಲ್ಲಿರುವ ಕೆ.ಎಸ್.ಈಶ್ವರಪ್ಪರ ‘ಜಯಲಕ್ಷ್ಮಿ’ ನಿವಾಸ ಅನಾಮಧೇಯ ಪತ್ರ ಬಂದಿದೆ. ಈ ಹಿಂದೆ ಸಹ ವಿದೇಶಗಳಿಂದ ಈಶ್ವರಪ್ಪರಿಗೆ ಬೆದರಿಕೆ ಕರೆ ಬಂದಿತ್ತು.
ಬೆದರಿಕೆ ಕರೆ ಬಂದಾಗ ಅಂದೇ ಶಿವಮೊಗ್ಗ ಎಸ್ಪಿಗೂ ಕೆ.ಎಸ್.ಈಶ್ವರಪ್ಪ ದೂರು ನೀಡಿದ್ದರು.ಬೆದರಿಕೆ ಕರೆ ಸಮಯದಲ್ಲಿ ಈಶ್ವರಪ್ಪನವರ ಭದ್ರತೆಯನ್ನು ಸಹ ಹೆಚ್ಚಿಸಲಾಗಿತ್ತು.