ಮೂಡಿಗೆರೆ : ಈ ಹಿಂದೆ ನಮ್ಮ ನಾಯಕ ಕುಮಾರಣ್ಣ ಹಾಗೂ ಮಾಜಿ ಪ್ರಧಾನಿ ಎಚ್.ಡಿ.ದೇವೇಗೌಡ ಅವರ ಕಾಲಿನ ಸ್ಪರ್ಷ ಕ್ಷೇತ್ರಕ್ಕೆ ಆಗಿದ್ದರಿಂದ ಜೆಡಿಎಸ್‌ಗೆ ಇನ್ನಷ್ಟು ಬಲ ತಂದಿದೆ ಎಂದು ಜೆಡಿಎಸ್ ಅಭ್ಯರ್ಥಿ ಎಂ.ಪಿ.ಕುಮಾರಸ್ವಾಮಿ ಹೇಳಿದರು.
ಅವರು ಆಲ್ದೂರು ಭಾಗದ ಸತ್ತಿಹಳ್ಳಿ, ಇಳೇಖಾನ್, ಕಾರೇಹಟ್ಟಿ, ಗುಲ್ಲ ನಪೇಟೆ, ಸೇರಿದಂತೆ ವಿವಿಧ ಗ್ರಾಮಗಳಿಗೆ ತೆರಳಿ ಮತಯಾಚಿಸಿ ಮಾತನಾಡಿದರು. ತಾನು ಶಾಸಕನಾಗಿದ್ದಾಗ ಮಾಡಿದ ಅಭಿವೃದ್ಧಿ ಕೆಲಸದಿಂದಾಗಿ ಜನರ ಆಶಿರ್ವಾದ ತನ್ನ ಮೇಲಿದೆ. ಕ್ಷೇತ್ರದಲ್ಲಿ ಇನ್ನು ಅನೇಕ ಸಮಸ್ಯೆಗಳಿವೆ. ನಾನು ಮಾಡಿದ ಜನಪರ ಕಾರ್ಯಗಳ ಮೇಲೆ ಜನರಲ್ಲಿ ನಂಬಿಕೆ ಯಿದೆ. ತಾನು ಏಕಾಂಗಿಯಾಗಿದ್ದು, ಹಣ ಮಾಡುವ ಉದ್ದೇಶ ನನಗಿಲ್ಲ. ನನ್ನ ಕಾರ್ಯಕರ್ತರು ಹಾಗೂ ಕ್ಷೇತ್ರದ ಜನತೆಯೇ ನನ್ನ ಸಂಬಂಧಿಗಳು ಎಂದು ಹೇಳಿದರು.
ಕ್ಷೇತ್ರ ಸಮಿತಿ ಅಧ್ಯಕ್ಷ ಡಿ.ಜೆ.ಸುರೇಶ್ ಮಾತನಾಡಿ, ಜನಪ್ರಿಯ ಎಂದು ಹೆಸರು ಗಳಿಸಿರುವ ಎಂ.ಪಿ.ಕುಮಾ ರಸ್ವಾಮಿ ಅವರು ಸರಳ ವ್ಯಕ್ತಿ ಎಂದು ಎಲ್ಲರಿಗೂ ಗೊತ್ತಿರುವ ವಿಚಾರ. ಅಲ್ಲದೇ ಎಚ್.ಡಿ.ಕು ಮಾರಸ್ವಾಮಿ ಅವರು ಈ ಬಾರಿ ಪಂಚರತ್ನ ಯೋಜನೆ ಮೂಲಕ ಜನರ ಸಮಸ್ಯೆಗೆ ಮುಕ್ತಿ ಕಾಣಿಸಲು ಹೊರಟಿದ್ದಾರೆ. ಅವರಿಗೆ ಶಕ್ತಿ ನೀಡಲು ಎಂ.ಪಿ.ಕುಮಾರಸ್ವಾಮಿ ಅವರನ್ನು ಬೆಂಬ ಲಿಸಬೇಕೆಂದು ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಜೆಡಿಎಸ್‌ನ ಸ್ಥಳೀಯ ಮುಖಂಡರು ಹಾಗೂ ಕಾರ್ಯಕರ್ತರು ಉಪಸ್ಥಿತರಿದ್ದರು.
