ಚಿಕ್ಕಮಗಳೂರು: ಕಡೂರು ಕ್ಷೇತ್ರದ ಜೆಡಿಎಸ್ ಅಭ್ಯರ್ಥಿ ವೈಎಸ್ ವಿ ದತ್ತ ಅವರ ವಿರುದ್ಧ ೪೧ ಚೆಕ್ ಬೌನ್ಸ್ ಪ್ರಕರಣಗಳು ರಾಜ್ಯ ಮತ್ತು ಹೊರರಾಜ್ಯಗಳಲ್ಲಿ ದಾಖಲಾಗಿವೆ.
ಜೆಡಿಎಸ್ ಅಭ್ಯರ್ಥಿ ವೈಎಸ್ವಿ ದತ್ತಾ ವಿರುದ್ಧ೪೧ ಚೆಕ್ ಬೌನ್ಸ್ ಪ್ರಕರಣಗಳು ದಾಖಲಾಗಿವೆ ಎಂಬ ಮಾಹಿತಿಯನ್ನು ಚುನಾವಣಾ ಅಧಿಕಾರಿಗಳಿಗೆ ಸಲ್ಲಿಸಿರುವ ಪ್ರಮಾಣ ಪತ್ರದಲ್ಲಿ ನೀಡಿದ್ದಾರೆ. ೨೦೧೪ ರಿಂದ ೨೦೨೩ರ ವರೆಗೆ ರಾಜ್ಯ ಹೊರರಾಜ್ಯಗಳಲ್ಲಿ ೪೧ ಚೆಕ್ ಬೌನ್ಸ್ ಪ್ರಕರಣಗಳು ದಾಖಲಾಗಿವೆ.
ಚೆಕ್ ನಗದು ಆಗದಿರುವ ಕಾರಣ ಈ ಎಲ್ಲ ಪ್ರಕರಣಗಳು ನೆಗೋಷಿಯೇಬಲ್ ಇನ್ಸ್ಟ್ರುಮೆಂಟ್ಸ್ ಕಾಯ್ದೆ ೧೮೮೧ ರ ಕಲಂ ೧೩೮ರ ಅಡಿಯಲ್ಲಿ ದಾಖಲಾಗಿವೆ. ೨೦೧೪ರಿಂದ ೨೦೨೦ ಅವಧಿಯಲ್ಲಿ ಈ ಪ್ರಕರಣಗಳು ದಾಖಲಾಗಿದ್ದು, ವಿಚಾರಣೆ ಹಂತದಲ್ಲಿವೆ.
ಚುನಾವಣಾ ಅಧಿಕಾರಿಗಳಿಗೆ ಸಲ್ಲಿಸಿರುವ ಪ್ರಮಾಣ ಪತ್ರದಲ್ಲಿ ಆಸ್ತಿ ವಿವರರಗಳು:
ವೈಎಸ್ ವಿ ದತ್ತಾ ಅವರ ಬಳಿ ೨೦೨೨-೨೩ ರಲ್ಲಿ ೮ ಲಕ್ಷದ ೧೫ ಸಾವಿರ ಆದಾಯ ಹೊಂದಿದ್ದಾರೆ.
ಚರಾಸ್ತಿ ಮತ್ತು ಸ್ಥಿರಾಸ್ತಿ ಎಷ್ಟು?:
೧೭.೮೯ ಲಕ್ಷ ಮೌಲ್ಯದ ಚರಾಸ್ತಿ,
೨.೯೪ ಕೋಟಿ ಮೌಲ್ಯದ ಸ್ಥಿರಾಸ್ತಿ ಹೊಂದಿದ್ದಾರೆ.
ಸಾಲ ಎಷ್ಟು?:
ಒಟ್ಟು ೯೩.೧೬ ಲಕ್ಷ ಸಾಲ ಪಡೆದುಕೊಂಡಿದ್ದಾರೆ.
ನ್ಯಾಯಾಲಯದಲ್ಲಿ ಇರುವ ಪ್ರಕರಣಗಳು ಎಷ್ಟು?;
* ಬೆಂಗಳೂರಿನ ಎಸಿಎಂಎಂ ನ್ಯಾಯಾಲಯದಲ್ಲಿ ೬ ಪ್ರಕರಣ,
* ಬೆಂಗಳೂರಿನ ಎಸಿಎಂಎಂ ೧೨, ೧೫,೧೮, ೧೯, ೨೩, ೨೬, ೩೬ನೇ ನ್ಯಾಯಾಲಯಗಳಲ್ಲಿ ತಲಾ ಒಂದು,
* ಬೆಂಗಳೂರಿನ ಎಸಿಎಂಎಂ ೨೨ ನೇ ನ್ಯಾಯಾಲಯದಲ್ಲಿ ಮೂರು,
* ೪೨ನೇ ನ್ಯಾಯಾಲಯದಲ್ಲಿ ೬ ಪ್ರಕರಣ,
* ಬೆಂಗಳೂರಿನ ಎಸ್ಸಿಸಿಎಚ್ ೬ನೇ ಮತ್ತು ೮ನೇ ನ್ಯಾಯಾಲಯಗಳಲ್ಲಿ ತಲಾ ಒಂದು,
* ಮಂಗಳೂರಿನ ಜೆಂಎಫ್ಸಿ ನ್ಯಾಯಾಲಯದಲ್ಲಿ ೫ ಮತ್ತು ೪ನೇ ಜೆಎಂಎಫ್ಸಿಯಲ್ಲಿ ೩ ಪ್ರಕರಣ,
* ಅಥಣಿ ಜೆಎಂಎಫ್ಸಿ ನ್ಯಾಯಾಲಯದಲ್ಲಿ ಎರಡು,
* ಹಾಸನ ನ್ಯಾಯಾಲಯದಲ್ಲಿ ಎರಡು,
* ಹಾಸನ ಜಿಲ್ಲೆ ಬೇಲೂರು, ಹುಬ್ಬಳ್ಳಿ, ಗದಗ ನ್ಯಾಯಾಲಯಗಳಲ್ಲಿ ತಲಾ ಒಂದು.
* ಅನಂತಪುರ ನ್ಯಾಯಾಲಯದಲ್ಲಿ ಒಂದು,
* ಗುಂತಕಲ್ ನ್ಯಾಯಾಲಯದಲ್ಲಿ ಮೂರು ಪ್ರಕರಣ ದಾಖಲಾಗಿವೆ.