ಕಾರವಾರ: ಆನ್ಲೈನ್ ಮೂಲಕ ವಿದ್ಯುತ್ ಬಿಲ್ ಪಾವತಿಗೆ ಮುಂದಾಗಿ ಲಕ್ಷಾಂತರ ರೂ. ಕಳೆದುಕೊಂಡ ವ್ಯಕ್ತಿ

ಕಾರವಾರ: ಆನ್ಲೈನ್ ಮೂಲಕ ವಿದ್ಯುತ್ ಬಿಲ್ ಪಾವತಿಗೆ ಮುಂದಾದ ವ್ಯಕ್ತಿಯೊಬ್ಬರು ಲಕ್ಷಾಂತರ ರೂ. ಕಳೆದುಕೊಂಡ ಘಟನೆ ಕಾರವಾರದಲ್ಲಿ ನಡೆದಿದೆ.

ಅರ್ಗಾ ನೇವಲ್ ಬೇಸ್‌ನ ರಾಜಕುಮಾರ ಸಿಂಗ್ ವಂಚನೆಗೊಳಗಾಗಿದ್ದು, ಅವರ ಮೊಬೈಲ್ ನಂಬರಿಗೆ ವಿದ್ಯುತ್ ಬಿಲ್ ಪಾವತಿಸುವಂತೆ ಎಸ್.ಎಮ್.ಎಸ್ ಬಂದಿದ್ದು, ರಾತ್ರಿಯೊಳಗೆ ಪಾವತಿ ಆಗದೇ ಇದ್ದರೆ ಸಂಪರ್ಕ ಕಡಿತ ಮಾಡುವುದಾಗಿ ಉಲ್ಲೇಖಿಸಲಾಗಿತ್ತು.

ಹೀಗಾಗಿ ರಾಜಕುಮಾರ ಎಸ್.ಎಂ.ಎಸ್.ನಲ್ಲಿ ನಮೂದಿಸಿದ 8250412470 ಸಂಖ್ಯೆಗೆ ಕರೆ ಮಾಡಿದ್ದು, ಆ ಕಡೆಯಿಂದ ಮಾತನಾಡಿದ ವ್ಯಕ್ತಿಯು ಟಿಮ್ ವಿವರ್ ಆಪ್ ಮೊಬೈಲ್‌ನಲ್ಲಿ ಅಳವಡಿಸಿಕೊಳುವಂತೆ ಹೇಳಿದ್ದಾನೆ.

ಅದೇ ರೀತಿ ಮಾಡಿದ ರಾಜಕುಮಾರಗೆ ಆರೋಪಿ ವಾಟ್ ಆ್ಯಪ್ ವಿಡಿಯೋ ಕರೆ ಮೂಲಕ ಸಂಪರ್ಕಿಸಿ ಅವರ ಬ್ಯಾಂಕ್ ಖಾತೆಯ ಡೆಬಿಟ್ ಕಾರ್ಡ್ ಹಾಗೂ ಕ್ರೆಡಿಟ್ ಕಾರ್ಡಗಳನ್ನು ತೋರಿಸುವಂತೆ ತಿಳಿಸಿದ್ದಾನೆ.

ತಮ್ಮ ಏಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಹಾಗೂ ಡೆಬಿಟ್ ಕಾರ್ಡ್ ಮತ್ತು ಎಸ್.ಬಿ.ಐ ಬ್ಯಾಂಕಿನ ಡೆಬಿಟ್ ಕಾರ್ಡನ್ನು ತೋರಿಸಿದ್ದು ನಂತರ ರಾಜಕುಮಾರ ಎಸ.ಬಿ.ಐ ಖಾತೆಯಿಂದ 14,165.20 ಹಾಗೂ ಏಕ್ಸಿಸ್ ಬ್ಯಾಂಕ ಡೆಬಿಟ್ ಕಾರ್ಡನಿಂದ 99,1092 ಹಾಗೂ ಕ್ರೆಡಿಟ್‌ ಕಾರ್ಡ್ ನಿಂದ 2,19,985.45 ಹೀಗೆ ಒಟ್ಟು 3,33,259,85 ರೂ. ಹಣವನ್ನು ದೋಚಿದ್ದಾನೆ. ಈ ಬಗ್ಗೆ ಸೈಬರ್ ಕ್ರೈಮ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.