ಕಾರವಾರ: ಮೂವರು ಮಕ್ಕಳೊಂದಿಗೆ ಮಹಿಳೆ ನಾಪತ್ತೆ, ದೂರು ದಾಖಲು

ಕಾರವಾರ: ಮೂವರು ಮಕ್ಕಳೊಂದಿಗೆ ಮಹಿಳೆ ನಾಪತ್ತೆಯಾಗಿರುವ ಬಗ್ಗೆ ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ತಾಲೂಕಿನ ರಾಮಣಗುಳಿ ನಿವಾಸಿ ಮೂಸಾ ಜಿಕ್ರಿಯಾ ಶೇಖ್ ಎಂಬವರು ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ತಮ್ಮ ಪತ್ನಿ ರುಕ್ಸಾನಾ ಬೇಗಂ ಮೂಸಾ ಶೇಖ್ (29) ಅವರು ಅಕ್ಟೋಬರ್ 28ರ ಮಧ್ಯರಾತ್ರಿಯ ನಂತರ ತನ್ನ ಮೂವರು ಮಕ್ಕಳಾದ ಮೊಹಮ್ಮದ್ ಸಿರಾಜ್ ಮೂಸಾ ಶೇಖ್ (9), ಮೊಹಮ್ಮದ್ ಸರ್ತಾಜ್ ಮೂಸಾ ಶೇಖ್ (8) ಮತ್ತು ಆಯಿಷಾ ರೀಪಾ ಮೂಸಾ ಶೇಖ್ (01) ಅವರೊಂದಿಗೆ ಯಾರಿಗೂ ಹೇಳದೆ ಹೋಗಿದ್ದಾರೆ ಎಂದು ಆರೋಪಿಸಿದ್ದಾರೆ. ಇಲ್ಲಿಯವರೆಗೆ, ಅವಳು ಮನೆಗೆ ಮರಳಿಲ್ಲ.

ಅವರನ್ನು ಯಾರದರೂ ನೋಡಿದರೆ, ಅಂಕೋಲಾ ಪೊಲೀಸ್ ಠಾಣೆಗೆ ಮಾಹಿತಿ ನೀಡಬೇಕು ಎಂದು ಪೊಲೀಸರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.