ಕಾರವಾರ: ಗೋವಾಕ್ಕೆ ಅಕ್ರಮವಾಗಿ ಗೋಮಾಂಸ ಸಾಗಾಟ ಮಾಡಲು ಯತ್ನಿಸಿದ ಐವರನ್ನು ಪೊಲೀಸರು ಬಂಧಿಸಿದ್ದಾರೆ. ಜೊಯಿಡಾದ ಅನಮೋಡ ಚೆಕ್ಪೊಸ್ಟ್ನಲ್ಲಿ ವಶಕ್ಕೆ ಪಡೆಯಲಾಗಿದ್ದು, ಅಳ್ನಾವರ ಮೂಲದ ಸಾದಿಕ್ ಅತ್ತಾರ, ಇಲಿಯಾಸ್ ತಾಳಿಕೋಟೆ, ದಾವಲ್ ಮಲಿಕ್ ಮನ್ನೂರಕರ್, ಖಾನಾಪುರದ ರಾಜಾಸಾಬ್ ಹರಗಿ, ಶಾಹೀದ್ ಶಿಂದೋಡಿ ಬಂಧಿತರು.
3.10 ಲಕ್ಷ ಮೌಲ್ಯದ 2,220 ಕೆಜಿ ಗೋಮಾಂಸ ಮತ್ತು ಎರಡು ಪಿಕ್ಅಪ್ ಹಾಗೂ ಒಂದು 407 ವಾಹನ ಜಪ್ತು ಮಾಡಲಾಗಿದೆ. ಜೋಯಿಡಾ ಭಾಗದಿಂದ ಗೋವಾಕ್ಕೆ ಗೋಮಾಂಸ ಸಾಗಿಸುತ್ತಿದ್ದ ವೇಳೆ ತಪಾಸಣೆ ಮಾಡುವಾಗ ಸಿಕ್ಕಿಬಿದ್ದಾರೆ.