ಕಾರ್ಕಳ: ಐತಿಹಾಸಿಕ ಹಿನ್ನಲೆಯುಳ್ಳ ಕೋಟೆ ಶ್ರೀ ಮಾರಿಯಮ್ಮ ದೇವಸ್ಥಾನದ ಪುನರ್ನಿರ್ಮಾಣ ಹಾಗೂ ಬ್ರಹ್ಮಕಲಶೋತ್ಸವ ಜರುಗಿದ್ದ ಬಳಿಕ ಇದೀಗ ಕೆಲವೊಂದು ಹೊಸ ಮಾರ್ಪಾಡುಗಳನ್ನು ಜಾರಿಗೊಳಿಸಲು ಆಡಳಿತ ಮಂಡಳಿ ಮುಂದಾಗಿದೆ.
ಹಿಂದೂ ಸಂಪ್ರದಾಯಿಕ ಉಡುಗೆ ತೊಟ್ಟು ದೇವಸ್ಥಾನದ ಪ್ರವೇಶಕ್ಕೆ ಭಕ್ತಾದಿಗಳಿಗೆ ಆಡಳಿತ ಮಂಡಳಿಯು ಅನುವು ಮಾಡಿದೆ. ಅದಕ್ಕೆ ಪೂರಕವಾಗಿ ಸಾರ್ವಜನಿಕರ ಅವಗಾಹನೆಯ ಸಲುವಾಗಿ ದೇವಸ್ಥಾನದ ಪ್ರವೇಶದ ಗೇಟಿಗೆ ಬ್ಯಾನರ್ವೊಂದನ್ನು ಅಳವಡಿಸಲಾಗಿದೆ.
ಬೆಳಿಗ್ಗೆ ೭.೦೦ ರಿಂದ ಮಧ್ಯಾಹ್ನ ೧೨.೦೦ರ ತನಕ ಹಾಗೂ ಸಂಜೆ ೪.೦೦ ರಿಂದ ರಾತ್ರಿ ೭.೩೦ರೊಳಗಾಗಿ ದೇವರ ದರ್ಶನ ಪಡೆಯಲು ಮುಂದಾಗುವವರಿಗೆ ಪ್ರವೇಶಕ್ಕೆ ಅವಕಾಶ ಇರುವುದಾಗಿ ಆಡಳಿತ ಮಂಡಳಿ ಬೋರ್ಡ್ ಕೂಡಾ ಅಳವಡಿಸಿದೆ.