ಮಂಗಳೂರು: ಸಂತ ಅಲೋಶಿಯಸ್ (ಸ್ವಾಯತ್ತ) ಕಾಲೇಜಿನಲ್ಲಿ 9ನೇ ಅಂತಾರಾಷ್ಟ್ರೀಯ ಯೋಗ ದಿನವನ್ನು ಅಲೋಶಿಯಸ್ ಗೊನ್ಜಾಗಾ ದಿನಾಚರಣೆಯೊಂದಿಗೆ ಆಚರಿಸಲಾಯಿತು. ಎಐಎಮ್‍ಐಟಿ ಕ್ಯಾಂಪಸ್ ನಿರ್ದೇಶಕರಾದ ರೆವರೆಂಡ್ ಡಾ.ಮೆಲ್ವಿನ್ ಎಸ್ ಪಿಂಟೋ, ಉಸ್ತುವಾರಿ ಪ್ರಾಂಶುಪಾಲರಾದ ಶ್ರೀ ಚಾರ್ಲ್ಸ್ ಫುರ್ಟಾಡೊ, ಯೋಗ ಶಿಕ್ಷಕಿ ಶ್ರೀಮತಿ ನೀತಾ ಶೆಟ್ಟಿ, ನ್ಯೂಸ್ ಕರ್ನಾಟಕದ ಕಮ್ಯೂನಿಟಿ ಡೆವಲಪ್ಮೆಂಟ್ ಆಫೀಸರ್ ಶೀಮತಿ ಪ್ರತಿಮಾ ಪವಾರ್, ಎನ್ಎಸ್ಎಸ್, ಎನ್ಸಿಸಿ ಮತ್ತು ವೈಆರ್ಸಿ ವಿದ್ಯಾರ್ಥಿಗಳು ಮತ್ತು ಮಂಗಳೂರಿನ ಡೆಕಾಥ್ಲಾನ್ ಪ್ರತಿನಿಧಿಗಳು ಸೇರಿದಂತೆ ಇತರ ಬೋಧಕವರ್ಗದ ಸದಸ್ಯರು ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.
ದೀಪ ಬೆಳಗಿಸುವ ಮೂಲಕ ಉದ್ಘಾಟನಾ ಸಮಾರಂಭವನ್ನು ಪ್ರಾರಂಭಿಸಿದರು. ಪ್ರಭಾರ ಪ್ರಾಂಶುಪಾಲರಾದ ಶ್ರೀ ಚಾರ್ಲ್ಸ್ ಫುರ್ಟಾಡೋ ಅವರು ಅಂತಾರಾಷ್ಟ್ರೀಯ ಯೋಗ ದಿನದಂದು ಮಾತನಾಡಿ, “ವಸುದೈವ ಕುಟುಂಬಕಂ” ಎಂದರೆ “ಒಂದು ದೇಶ, ಒಂದು ಕುಟುಂಬ” ಎಂಬ ಜಾಗತಿಕ ವಿಷಯದ ಬಗ್ಗೆ ತಮ್ಮ ಮಾತುಗಳಲ್ಲಿ ವಿವರಿಸಿದರು. ನಂತರ ರೆವರೆಂಡ್ ಡಾ.ಮೆಲ್ವಿನ್ ಎಸ್ ಪಿಂಟೋ ಅವರು ತಮ್ಮ ಮಾತುಗಳಿಂದ ವಿದ್ಯಾರ್ಥಿಗಳಿಗೆ ಸ್ಫೂರ್ತಿ ನೀಡಿದರು ಮತ್ತು ಮಂಗಳೂರಿನ ಸಂತ ಅಲೋಶಿಯಸ್ (ಸ್ವಾಯತ್ತ) ಕಾಲೇಜಿನ ಪಿಇಡಿ ಶ್ರೀ ಅರುಣ್ ವಂದನಾರ್ಪಣೆ ಮಾಡಿದರು.
ಬಳಿಕ ಯೋಗ ತರಬೇತುದಾರರಾದ ಶ್ರೀಮತಿ ನೀತಾ ಶೆಟ್ಟಿ ಅವರು ಯೋಗ ಪ್ರಾರ್ಥನೆಯನ್ನು ಮಾಡುವ ಮೂಲಕ ಮತ್ತು ವಿದ್ಯಾರ್ಥಿಗಳಿಗೆ ಯೋಗದ ಪ್ರಯೋಜನಗಳು ಮತ್ತು ದಿನದ ಮಹತ್ವವನ್ನು ತಿಳಿಸುವ ಮೂಲಕ ಕಾರ್ಯಕ್ರಮವನ್ನು ಆರಂಭಿಸಿದರು. ವಿದ್ಯಾರ್ಥಿಗಳಿಗೆ ವೃಕ್ಷಾಸನ, ತ್ರಿಕೋನಾಸನ ಮತ್ತು ಇತರ ಸ್ಥಿರ ಆಸನಗಳನ್ನು ಸೊಗಸಾಗಿ ಪ್ರದರ್ಶಿಸಿ ತಿಳಿಸಿಕೊಟ್ಟರು. ವಿದ್ಯಾರ್ಥಿಗಳು ಉತ್ಸುಕತೆಯಿಂದಲೇ ಕುಳಿತುಕೊಳ್ಳುವ ಆಸನಗಳಾದ ಬದ್ರಾಸನ, ವಕ್ರಾಸನಗಳು ಸೇರಿದಂತೆ ಏಕಕಾಲದಲ್ಲಿ ಇತರ ಆಸನಗಳ ಪ್ರಯೋಜನಗಳನ್ನು ಪಡೆದುಕೊಂಡರು. ಕಾರ್ಯಕ್ರಮದ ಕೊನೆಯ ಹಂತದಲ್ಲಿ ಪ್ರಣಾಮ ಹಾಗೂ ಪ್ರಾರ್ಥನೆಯೊಂದಿಗೆ ಯೋಗ ಕಾರ್ಯಕ್ರಮವನ್ನು ಸಂಪನ್ನಗೊಳಿಸಿದರು.
