ಮಂಗಳೂರು: ಮಂಗಳೂರಿನಲ್ಲಿ ಮಿಥುನ್ ರೈ ನೇತೃತ್ವದಲ್ಲಿ, ಬಾಲಿವುಡ್ ಸ್ಯಾಂಡಲ್ ವುಡ್ ತಾರಾ ವೈಭವದಲ್ಲಿ ಈ ಬಾರಿ ಪಿಲಿ ನಲಿಕೆ ಸೀಸನ್ -8 ಮಂಗಳೂರಿನ ಉರ್ವ ಮೈದಾನದಲ್ಲಿ ಬಹಳ ಅದ್ದೂರಿಯಾಗಿ ನಡೆದಿದೆ.
ಈ ಬಾರಿ ಪಿಲಿ ನಲಿಕೆಗೆ ಬಾಲಿವುಡ್ ಸ್ಟಾರ್ ನಟ ಸುನೀಲ್ ಶೆಟ್ಟಿ ಹಾಗೂ ಕ್ರಿಕೆಟ್ ಲೋಕದ ಸ್ಪಿನ್ ಮಾಂತ್ರಿಕ ಹರ್ಭಜನ್ ಸಿಂಗ್, ಚಿತ್ರ ನಟ ರಾಜ್ ಬಿ ಶೆಟ್ಟಿ, ಬಿಗ್ ಬಾಸ್ ಸ್ಪರ್ಧಿಗಳಾದ ಅರವಿಂದ್ ಕೆಪಿ, ದಿವ್ಯ ಉರುಡುಗ ಭಾಗಿಯಾಗಿ ಈ ಕರಾವಳಿ ಸೊಗಡಿನ ಹುಲಿ ಕುಣಿತವನ್ನ ಕಣ್ತುಂಬಿಕೊಂಡಿದ್ದಾರೆ.
ಇನ್ನು ವೇದಿಕೆ ಏರಿ ತಾಸೆ ಏಟಿಗೆ ರಾಜ್ ಬಿ ಶೆಟ್ಟಿಯಿಂದ ಸಖತ್ ಸ್ಟೆಪ್ಸ್ ಹಾಕಿದ್ದರು. ಪ್ರತಿ ವರ್ಷ ದಸರಾ ಸಂದರ್ಭದಲ್ಲಿ ಪಿಲಿ ನಲಿಕೆ ಹುಲಿ ವೇಷ ಸ್ಪರ್ಧೆ ನಡೆಯುತ್ತದೆ. ಈ ಬಾರಿಯ 8ನೇ ಅವೃತ್ತಿಗೆ ಸಾಕ್ಷಿಯಾದ ಸ್ಟಾರ್ ನಟ ನಟಿಯರ ದಂಡು ಆಗಮಿಸಿದೆ. ಕರಾವಳಿ ಸೊಗಡಿನ ಜಾನಪದ ಕಲೆಗೆ ಹರ್ಭಜನ್ ಸಿಂಗ್ ಕ್ಲೀನ್ ಬೋಲ್ಡ್ ಆಗಿದ್ದಾರೆ.
ಅತ್ತ ಇತ್ತ ಕಣ್ಣು ಮೀಟುಕಿಸದೆ ಹುಲಿ ಕುಣಿತವನ್ನು ಸಿಂಗ್ ಕಣ್ತುಂಬಿಕೊಂಡಿದ್ದಾರೆ. ವೇದಿಕೆ ಏರಿ ಕರಾವಳಿ ಜನತೆಗೆ ತಲೆ ಭಾಗಿ ಸ್ಪಿನ್ ಮಾಂತ್ರಿಕ ನಮಸ್ಕರಿಸಿದ್ದಾರೆ. ಇನ್ನು ಬಾಲಿವುಡ್ ಸ್ಟಾರ್ ಸುನೀಲ್ ಶೆಟ್ಟಿ ಕಂಡು ಜನ ಫುಲ್ ಖುಷ್ ಆಗಿದ್ದಾರೆ. ಮುಂದಿನ ಕೆಲವೇ ತಿಂಗಳುಗಳಲ್ಲಿ ಮುಂಬೈ ನಲ್ಲಿ ಸುನೀಲ್ ಶೆಟ್ಟಿ ನೇತೃತ್ವದಲ್ಲಿ ಪಿಲಿ ನಲಿಕೆ ನಡೆಸುವ ಯೋಜನೆಯಾಲಿದ್ದಾರೆ. ಇದಕ್ಕಾಗಿ ಅಂತಾರಾಷ್ಟ್ರೀಯ ಮಾನ್ಯತೆ ದೊರಕುವಂತೆ ಮಾಡಲು ಪಣತೊಟ್ಟಿದ್ದಾರೆ.