ಬೆಳ್ತಂಗಡಿ: ಲಾಯಿಲಾ ಗ್ರಾಮದ ಪ್ರಸನ್ನ ಕಾಲೇಜು ಸನಿಹದ ರಸ್ತೆಯಲ್ಲಿ ಮಂಗಳವಾರ ನಡೆದ ಅಪಘಾತದಲ್ಲಿ ಅಪರಿಚಿತ ವ್ಯಕ್ತಿಯೊಬ್ಬ ಗಾಯಗೊಂಡು ಇಲ್ಲಿನ ಸರಕಾರಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದಾರೆ.
ವ್ಯಕ್ತಿ 40 ರಿಂದ 45 ವರ್ಷದವರಾಗಿದ್ದು, ಸಪೂರ ಶರೀರ, ಕೋಲುಮುಖ, ಎಣ್ಣೆಕಪ್ಪು ಮೈ ಬಣ್ಣ, ಹಣೆಯ ಬಲಭಾಗದಲ್ಲಿ ಗಾಯವಿದ್ದು ಬನಿಯನ್ ಹಾಗೂ ಪ್ಯಾಂಟು ಧರಿಸಿರುತ್ತಾನೆ. ಗಾಯಗೊಂಡಿರುವ ಪರಿಣಾಮ ಮಾತನಾಡಲು ಅಶಕ್ತರಾಗಿದ್ದಾರೆ. ಇವರ ಬಗ್ಗೆ ಮಾಹಿತಿ ಇರುವವರು ಬೆಳ್ತಂಗಡಿ ಸಂಚಾರಿ ಠಾಣೆಯನ್ನು ( 08256-234100)ಸಂಪರ್ಕಿಸಬಹುದಾಗಿದೆ.