ಬೆಂಗಳೂರು: ಚಂದ್ರಯಾನ 3 ಮಿಷನ್ನ ಯಶಸ್ಸು, ಆದಿತ್ಯ ಎಲ್ 1 ಮಿಷನ್ ಮಹತ್ವದ ಮುನ್ನಡೆಯ ಸಂತಸದಲ್ಲಿರುವ ಇಸ್ರೋ ಈಗ ಸಾಲು ಸಾಲು ಉಡಾವಣೆಗೆ ಸಿದ್ಧತೆ ನಡೆಸುತ್ತಿದೆ. ಸಮುದ್ರಯಾನ, ಶುಕ್ರಯಾನಕ್ಕೆ ಸಿದ್ಧತೆ ನಡೆದಿರುವ ಬೆನ್ನಲ್ಲೇ ಮಂಗಳಯಾನ 2 ಮಿಷನ್ ಉಡಾವಣೆಗೂ ಸಿದ್ಧತೆ ಆರಂಭಿಸಿದೆ. ಈ ಕುರಿತು ಹೆಸರು ಹೇಳಲು ಇಚ್ಛಿಸದ ಇಸ್ರೋ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.
“ಎರಡನೇ ಮಾರ್ಸ್ ಮಿಷನ್ಗೆ ಇಸ್ರೋ ಸಿದ್ಧತೆ ಆರಂಭಿಸಿದೆ. ಉಪಗ್ರಹದ ಪೇಲೋಡ್ಗಳ ಅಭಿವೃದ್ಧಿಯು ಹಲವು ಹಂತದಲ್ಲಿದೆ. ಮಂಗಳನ ಅಂಗಳದಲ್ಲಿ ಮೊದಲ ಮಿಷನ್ ಇತಿಹಾಸ ಸೃಷ್ಟಿಸಿದ 9 ವರ್ಷದ ಬಳಿಕ ಇಸ್ರೋ ಮತ್ತೊಂದು ಮಂಗಳಯಾನಕ್ಕೆ ಸಿದ್ಧತೆ ಆರಂಭಿಸಿದೆ.
ಮಂಗಳನ ಅಧ್ಯಯನ, ಹವಾಮಾನ ವಿಶ್ಲೇಷಣೆ ಸೇರಿ ಹಲವು ರೀತಿಯ ಉದ್ದೇಶಕ್ಕಾಗಿ ಎರಡನೇ ಮಿಷನ್ಗೆ ತಯಾರಿ ನಡೆದಿದೆ” ಎಂದು ಮಾಹಿತಿ ನೀಡಿದ್ದಾರೆ. ಈ ಕುರಿತು ಶೀಘ್ರದಲ್ಲೇ ಹೆಚ್ಚಿನ ಮಾಹಿತಿ ಬಹಿರಂಗಪಡಿಸಲಾಗುತ್ತದೆ ಎಂದು ತಿಳಿದು ಬಂದಿದೆ.
ISRO begins preparation for India’s 2nd mission to Mars, 9 years after its successful 1st attempt.
The Mars Orbiter Mission-2, informally known as Mangalyaan-2, would carry four payloads
Report by @htTweets pic.twitter.com/Cv44ATBoME
— BufferZone (@WorldBufferZone) October 2, 2023