ಬೆಂಗಳೂರು: ರಾಜ್ಯ ಸರ್ಕಾರ ಪಂಚ ಗ್ಯಾರಂಟಿಗಳನ್ನು ನೀಡಿ ಜನರ ಮನಗೆದ್ದಿದೆ. ಇದೀಗ ತನ್ನ ಸಂಪುಟದ ಎಲ್ಲ 33 ಸಚಿವರಿಗೆ ಹೊಸ ಕಾರು ಕೊಡಲು ನಿರ್ಧರಿಸಿದೆ. 33 ಲಕ್ಷ ರೂ. ಮೌಲ್ಯದ ಹೊಸ ಇನ್ನೊವಾ ಕ್ರಿಸ್ಟಾ ಹೈಬ್ರೀಡ್‌ ಕಾರುಗಳನ್ನು ಸರ್ಕಾರ ಸಚಿವರಿಗಾಗಿ ಖರೀದಿಸಲು ಮುಂದಾಗಿದೆ.
ಸರ್ಕಾರ ಆದೇಶಿಸಿದ ಪ್ರತಿ ವಾಹನಕ್ಕೆ ಜಿಎಸ್‌ಟಿ ಸೇರಿದಂತೆ ಎಕ್ಸ ಶೋರೂಂ ಬೆಲೆ 30 ಲಕ್ಷ ರೂ.ಗಳಂತೆ 9.90 ಕೋಟಿ ರೂ. ಅನುದಾನ ಒದಗಿಸಲಾಗಿದೆ. ಕಿರ್ಲೋಸ್ಕರ್‌ ಮೋಟಾರ್ಸ್‌ ಸಂಸ್ಥೆಯಿಂದ ನೇರವಾಗಿ ವಾಹನ ಖರೀದಿಸಲು ಆಡಳಿತ ಸುಧಾರಣೆ ಇಲಾಖೆ ಆದೇಶ ನೀಡಿದೆ.
