ಬೆಂಗಳೂರು: ಬರ್ಮಿಂಗ್ ಹ್ಯಾಮ್‍ನಲ್ಲಿ ನಡೆಯಲಿರುವ ಅಂತಾರಾಷ್ಟ್ರೀಯ ಅಂಧರ ಕ್ರೀಡಾ ಫೆಡರೇಶನ್ (ಐಬಿಎಸ್‍ಎ) ವಿಶ್ವ ಗೇಮ್ಸ್ 2023ರಲ್ಲಿ ಭಾರತವನ್ನು ಪ್ರತಿನಿಧಿಸಲಿರುವ ಭಾರತೀಯ ಅಂಧರ ಕ್ರಿಕೆಟ್ ತಂಡಗಳ (ಪುರುಷರು ಮತ್ತು ಮಹಿಳೆಯರು) ನಾಯಕರನ್ನು ಕ್ರಿಕೆಟ್ ಅಸೋಸಿಯೇಷನ್ ಫಾರ್ ದಿ ಬ್ಲೈಂಡ್ ಇನ್ ಇಂಡಿಯಾ ಗುರುವಾರ ಪ್ರಕಟಿಸಿದೆ.
ಬರ್ಮಿಂಗ್ ಹ್ಯಾಮ್‍ನಲ್ಲಿ ನಡೆಯಲಿರುವ ಐಬಿಎಸ್‍ಎ ವಿಶ್ವ ಕ್ರೀಡಾಕೂಟ 2023 ಕ್ಕೆ ಪುರುಷರ ಕ್ರಿಕೆಟ್ ತಂಡದ ನಾಯಕನಾಗಿ ಅಜಯ್ ಕುಮಾರ್ ರೆಡ್ಡಿ ಇಲ್ಲೂರಿ (ಬಿ 2 ವಿಭಾಗ) ಮತ್ತು ವೆಂಕಟೇಶ್ವರ ರಾವ್ ದುನ್ನಾ (ಬಿ 2 ವಿಭಾಗ) ಅವರನ್ನು ಉಪನಾಯಕರನ್ನಾಗಿ ನೇಮಿಸಲಾಗಿದೆ. ಇಬ್ಬರೂ ಆಟಗಾರರು ಆಂಧ್ರಪ್ರದೇಶ ಮೂಲದವರು. ಕರ್ನಾಟಕ ಮೂಲದ ವರ್ಷ ಉಮಾಪತಿ (ಬಿ1 ವಿಭಾಗ) ಮಹಿಳಾ ಕ್ರಿಕೆಟ್ ತಂಡವನ್ನು ಮುನ್ನಡೆಸಲಿದ್ದಾರೆ. ಒಡಿಶಾದ ಫುಲಾ ಸರನ್ (ಬಿ 3 ವಿಭಾಗ) ಅವರನ್ನು ತಂಡದ ಉಪನಾಯಕರನ್ನಾಗಿ ನೇಮಿಸಲಾಗಿದೆ.
ಬರ್ಮಿಂಗ್ ಹ್ಯಾಮ್‍ನಲ್ಲಿ ನಡೆಯಲಿರುವ ಐಬಿಎಸ್‍ಎ ವಿಶ್ವ ಗೇಮ್ಸ್ 2023 ರಲ್ಲಿ ಪಾದಾರ್ಪಣೆ ಮಾಡುವ ಮೊದಲು ಕ್ರಿಕೆಟ್ ಅಸೋಸಿಯೇಷನ್ ಫಾರ್ ದಿ ಬ್ಲೈಂಡ್ ಇನ್ ಇಂಡಿಯಾ (ಸಿಎಬಿಐ) ಜರ್ಸಿಗಳನ್ನು (ಪುರುಷರ ಮತ್ತು ಮಹಿಳಾ ತಂಡಗಳಿಗೆ) ಅನಾವರಣಗೊಳಿಸಿದೆ.
ವಿಶ್ವ ಕ್ರೀಡಾಕೂಟಕ್ಕೆ ಮುಂಚಿತವಾಗಿ ಈ ಘೋಷಣೆಯ ಬಗ್ಗೆ ಮಾತನಾಡಿದ ಕ್ರಿಕೆಟ್ ಅಸೋಸಿಯೇಷನ್ ಫಾರ್ ದಿ ಬ್ಲೈಂಡ್ ಇನ್ ಇಂಡಿಯಾ (ಸಿಎಬಿಐ) ಅಧ್ಯಕ್ಷ ಬುಸೇ ಗೌಡ, ಸಿಎಬಿಐ ಅಧ್ಯಕ್ಷ ಡಾ.ಮಹಾಂತೇಶ ಜಿ.ಕಿವಡಸಣ್ಣವರ್ ಮಾಹಿತಿ ನೀಡಿದರು.
ಆಗಸ್ಟ್ 14 ರಂದು ಭಾರತೀಯ ಪುರುಷರ ತಂಡವು ಬರ್ಮಿಂಗ್ ಹ್ಯಾಮ್‍ಗೆ ಆಗಮಿಸಲಿದೆ. ಒಂದು ದಿನದ ನಂತರ ಆಗಸ್ಟ್ 15 ರಂದು ತಂಡವು ತಮ್ಮ ಅಧಿಕಾರಿಗಳೊಂದಿಗೆ ಭಾರತದ ಸ್ವಾತಂತ್ರ್ಯ ದಿನವನ್ನು ಆಚರಿಸಲು ಒಗ್ಗೂಡುತ್ತದೆ. ಅದೇ ದಿನ ಅಭ್ಯಾಸ ಪಂದ್ಯವನ್ನು ಆಡಲು ಭಾರತೀಯ ಪುರುಷರ ತಂಡ ಸಜ್ಜಾಗಿದೆ. ಬರ್ಮಿಂಗ್ ಹ್ಯಾಮ್‍ನಲ್ಲಿ ನಡೆಯಲಿರುವ ಐಬಿಎಸ್‍ಎ ವಿಶ್ವ ಗೇಮ್ಸ್ 2023ಕ್ಕೆ ಭಾರತ ಮಹಿಳಾ ತಂಡ ಆಗಮನ. ಆಗಸ್ಟ್ 17ರಂದು ಭಾರತ ಮಹಿಳಾ ತಂಡ ಟೂರ್ನಿಯ ಆತಿಥ್ಯ ಸ್ಥಳಕ್ಕೆ ಆಗಮನವಾಗಲಿದೆ.
ಆಗಸ್ಟ್ 20 ರಂದು ಭಾರತೀಯ ಪುರುಷರ ಮತ್ತು ಮಹಿಳಾ ತಂಡಗಳು ತಮ್ಮ ಅಭಿಯಾನವನ್ನು ಪ್ರಾರಂಭಿಸುವುದರಿಂದ ಅಂದು ಭಾರತಕ್ಕೆ ಮಹತ್ವದ ದಿನವಾಗಿದೆ. ಭಾರತ ಪುರುಷರ ತಂಡವು ಪಾಕಿಸ್ತಾನ ವಿರುದ್ಧ ರೋಮಾಂಚಕ ಪಂದ್ಯದೊಂದಿಗೆ ತನ್ನ ಪ್ರಯಾಣವನ್ನು ಪ್ರಾರಂಭಿಸಿದರೆ, ಭಾರತೀಯ ಮಹಿಳಾ ತಂಡವು ತನ್ನ ಅಭಿಯಾನವನ್ನು ಪ್ರಾರಂಭಿಸಲು ಆಸ್ಟ್ರೇಲಿಯಾವನ್ನು ಎದುರಿಸಲಿದೆ.
