ಬೆಂಗಳೂರು: ‘ಈಸ್ ಆಫ್ ಡೂಯಿಂಗ್ ಬಿಸಿನೆಸ್’ಗೆ ಆದ್ಯತೆ ನೀಡುವ ರಾಜ್ಯಗಳ ಪಟ್ಟಿಯಲ್ಲಿ ರಾಜ್ಯವು ಅಗ್ರಸ್ಥಾನದಲ್ಲಿದೆ ಮತ್ತು ಸ್ಕೋಚ್ ಪ್ರಶಸ್ತಿಯಲ್ಲಿ ಚಿನ್ನದ ಪದಕವನ್ನು ಪಡೆದುಕೊಂಡಿದೆ.
‘ಅಫಿಡವಿಟ್ ಆಧಾರಿತ ಕ್ಲಿಯರೆನ್ಸ್ ಅನ್ನು ಜಾರಿಗೆ ತಂದ ಕರ್ನಾಟಕ ಉದ್ಯೋಗ ಮಿತ್ರ, ಈಸ್ ಆಫ್ ಡೂಯಿಂಗ್ ಬಿಸಿನೆಸ್ ರ್ಯಾಂಕಿಂಗ್ ನಲ್ಲಿ ‘ಅಗ್ರ ಸಾಧಕ’ನಾಗಿ ಹೊರಹೊಮ್ಮಿದೆ. ಕೈಗಾರಿಕೆಗಳಿಗಾಗಿ ಕೇಂದ್ರೀಕೃತ ತಪಾಸಣಾ ವ್ಯವಸ್ಥೆ (ಸಿಐಎಸ್) ಅನುಷ್ಠಾನಕ್ಕಾಗಿ ನಾವು ಈಗ ಸ್ಕೋಚ್ ಪ್ರಶಸ್ತಿಗಳಲ್ಲಿ ಚಿನ್ನ ಗೆದ್ದಿರುವುದು ನಮಗೆ ಹೆಮ್ಮೆಯ ವಿಷಯವಾಗಿದೆ” ಎಂದು ಬೃಹತ್ ಮತ್ತು ಮಧ್ಯಮ ಕೈಗಾರಿಕಾ ಸಚಿವ ಮುರುಗೇಶ್ ಆರ್ ನಿರಾಣಿ ಹೇಳಿದರು.
“ವಾಣಿಜ್ಯ ಮತ್ತು ಕೈಗಾರಿಕಾ ಇಲಾಖೆಯು ಪಾರದರ್ಶಕ ಪರಿಶೀಲನೆಗಾಗಿ ಮತ್ತು ಕೈಗಾರಿಕೆಗಳ ಕಾರ್ಯಾಚರಣೆಯ ನಿಯಮಗಳ ಅನುಸರಣೆಯನ್ನು ಮೇಲ್ವಿಚಾರಣೆ ಮಾಡಲು ವಿವಿಧ ಇಲಾಖೆಗಳಿಂದ ಪ್ರತ್ಯೇಕ ತಪಾಸಣೆ ಭೇಟಿಗಳಿಂದ ಉಂಟಾಗುವ ಅನಗತ್ಯ ವಿಳಂಬವನ್ನು ತಪ್ಪಿಸಲು ಸಿಐಎಸ್ ಅನ್ನು ಜಾರಿಗೆ ತಂದಿದೆ” ಎಂದು ಅವರು ಹೇಳಿದರು.