ಬೆಂಗಳೂರು: ಲಕ್ಷ್ಮೀಶ್ ರೈ ಅವರ ಎ ಕ್ರಿಟಿಕಲ್ ಸ್ಟಡಿ ಆಫ್ ಲಾ ರಿಲೇಟಿಂಗ್ ಟು ಮೆಡಿಕೋ- ಲೀಗಲ್ ಲಿಟಿಗೇಷನ್ ಇನ್ ಇಂಡಿಯಾ ವಿದ್ ಸ್ಪೆಷಲ್ ‘ರೆಫರೆನ್ಸ್ ಟು ಡಾಕ್ಟರ್ ಪೆಶೆಂಟ್ ರಿಲೇಷನ್ ಶಿಪ್’ ಎಂಬ ಮಹಾಪ್ರಬಂಧಕ್ಕೆ ಬೆಂಗಳೂರಿನ ಅಲಯನ್ಸ್ ವಿದ್ಯಾಲಯ ಡಾಕ್ಟರೇಟ್ ಪದವಿ ನೀಡಿದೆ. ಲಕ್ಷ್ಮೀಶ್ ಅವರು ತಮ್ಮ ಅಲಯನ್ಸ್ ವಿಶ್ವವಿದ್ಯಾನಿಲಯದ ಕಾನೂನು ವಿಭಾಗದ ಪ್ರಾಧ್ಯಾಪಕ ಡಾ.ಬಿ.ಎಸ್. ರೆಡ್ಡಿ ಇವರ ಮಾರ್ಗದರ್ಶನದಲ್ಲಿ ಸಿದ್ಧಪಡಿಸಿದ್ದರು. ಲಕ್ಷ್ಮೀಶ್ ರೈ ಕೋಡಿಬೈಲು ರತ್ನಾಕರ ಮತ್ತು ಶಾಂತಾ ರೈ ದಂಪತಿಯ ಪುತ್ರ. ಮಂಗಳೂರಿನ ಎಸ್ ಡಿಎಮ್ ಲಾ ಕಾಲೇಜಿನಲ್ಲಿ ಪದವಿ ಶಿಕ್ಷಣ ಮತ್ತು ಮತ್ತು ಸ್ನಾತಕೋತ್ತರ ಪದವಿ ಪಡೆದಿದ್ದರು. ಅವರು ಹಾಸ್ಪಿಟಲ್ ಅಡ್ಮಿನಿಸ್ಟ್ರೇಷನ್ ನಲ್ಲಿ ಸ್ನಾತಕೋತ್ತರ ಪದವಿಯನ್ನು ಹೊಂದಿದ್ದಾರೆ.
