ಬೆಂಗಳೂರು: ವಿಧಾನ ಪರಿಷತ್‌ ಸದಸ್ಯರಿಗೆ ಅಧಿವೇಶನದ ಸಮಯದಲ್ಲಿ ಕಳಪೆ ಹಾಗೂ ಅವಧಿ ಮುಗಿದ ಮಾಸ್ಕ್‌ಗಳನ್ನು ವಿತರಿಸಲಾಗುತ್ತಿದೆ ಎಂದು ಕಾಂಗ್ರೆಸ್‌ ಸದಸ್ಯ ಪಿ.ಆರ್‌. ರಮೇಶ್‌ ಗುರುವಾರ ಸದನದಲ್ಲೇ ಆರೋಪಿಸಿದರು.
ಕಲಾಪ ಆರಂಭವಾಗುತ್ತಿದ್ದಂತೆ ಮಾಸ್ಕ್‌ಗಳನ್ನು ಪ್ರದರ್ಶಿಸಿದ ಅವರು, ಒಂದು ವರ್ಷ ಹಿಂದೆಯೇ ಅವಧಿ ಮುಗಿದಿರುವ ಮಾಸ್ಕ್‌ಗಳಿಗೆ ಎರಡು ವರ್ಷ ಅವಧಿ ಎಂದು ಹೊಸ ಸ್ಟಿಕ್ಕರ್‌ ಅಂಟಿಸಿ ಕೊಡುತ್ತಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಅವರು ಮೇಕ್‌ ಇನ್‌ ಇಂಡಿಯಾ ಎನ್ನುತ್ತಿದ್ದಾರೆ. ವಿಧಾನ ಪರಿಷತ್‌ನಲ್ಲೇ ಚೀನಾದಲ್ಲಿ ಉತ್ಪಾದಿಸಿರುವ ಕಳಪೆ ಮಾಸ್ಕ್‌ಗಳನ್ನು ನೀಡಲಾಗುತ್ತಿದೆ ಎಂದು ಮಾಸ್ಕ್‌ಗಳನ್ನು ಪ್ರದರ್ಶಿಸಿದರು.
ಆರೋಪದ ಕುರಿತು ಪರಿಶೀಲನೆ ನಡೆಸುವಂತೆ ಸಭಾಪತಿ ಬಸವರಾಜ ಹೊರಟ್ಟಿ ಅಧಿಕಾರಿಗಳಿಗೆ ಸೂಚಿಸಿದರು. ಅಸಮಾಧಾನಗೊಂಡಿದ್ದ ರಮೇಶ್‌ ಸದನದಿಂದ ಹೊರ ನಡೆದರು.
